【奶媽唔易做】黃心美挑戰湊B失敗大傷元氣 安志杰享受被愛女痴纏

更新時間 (HKT): 2020.08.02 14:36

黃心美任職空姐的二妹黃心慧年初誕下女兒豆豆(暱稱),一家都爭住湊B為樂,加上疫情關係藝人暫時工作停滯,更多時間享受家庭樂。心美經常都將可愛豆B片段分享到網上吸like,昨日豆媽因工作關係要飛,心美傾盡全力挑戰稱職保母,結果搞到冇覺好瞓筋疲力竭。昨晚她在IG限時動態上載湊BB片段指:「豆媽飛咗,希望今晚搞得掂佢,God Bless Me。」之後就見到豆豆坐在梳化和犬隻一同睇卡通片,豆豆還一邊玩弄咬着電視搖控器一邊在牙牙學語,肥嘟嘟臉蛋加上眼仔碌碌十分可愛,心美鬼馬地形容「唔知以為佢有嘢上身。」

之後心美替BB沖涼,她開始揣不過氣說:「沖完涼嘞,過程中BB不斷唞大氣,其實最應該唞大氣係我。」接住要揞BB瞓覺,過程充滿波折,她希望BB與狗狗可以乖乖地瞓半粒鐘讓她有私人時間做運動,不過寧靜時間很快又過去,相隔一會後BB又醒了,「佢瞓咗一陣又醒咗,我要陪佢睇super monster! Ding」,看來奶媽唔易做,完全是她意料之外。

至今午心美再直擊她當保母情況,見豆豆終於按捺不住哭了,始終一整晚沒有見過媽媽開始扭計,「佢掛住媽咪掛到啲內臟就嚟跌出嚟。」哭喊得十分可憐,令心美這位大姨媽也無可奈何,經過一整晚冇覺好瞓,有嘔心瀝血感覺,「湊完佢一日,我好似俾人打咗一身,再吐咗幾両血咁。」體驗過奶媽感覺後,不知會否嚇怕心美當媽媽期望。

另外Jessica C.(JC)月前度32歲生日,一家四口包括老公安志杰和女兒Tessa及細仔Elvis溫馨樂透,今早安志杰躺在梳化上被囡囡Tessa纏着,囡囡將零食送到爸爸口,安志杰十分冧的樣子,之後Tessa一直黏著爸爸畫面,親切父女情被他譽為Daddy's girl。

娛聞樂陪你走遍全球追星,即Like「娛果」FB 專頁!
BannerBanner