【夏娃兒】張若錡狂收下體照 唔性感fans冇留言勁傷心

更新時間 (HKT): 2020.08.05 00:30

張若錡(Angus)在去年的書展推出首本個人寫真集,銷量甚好。經常在社交平台與fans互動的她,深受fans愛戴,她曾經上載一張浴缸泳衣相,吸引不少fans留言讚好,有些fans更索性留低電話給她,Angus笑說:「平時post性感相,fans們都特別雀躍,我唔性感,佢哋就唔留言,我都好傷心。」

Angus透露曾遇過瘋狂經歷,收到異性的下體照,她說:「大部份fans都好正常,就算佢哋好熱情,但都唔會嚇親我,不過我試過喺社交平台上,收過世界各地fans嘅下體照,一星期都有一次㗎,其實都幾頻密,特別係外國人,佢哋好鍾意影私密部位畀我睇,通常我都會撳入去睇吓,因為我唔撳入去睇,係唔知咩嚟,不過我睇完就當冇事發生,可能佢唔係我嘅fans,純粹係一個癡漢。」遇上瘋狂行為,會否擔心自己的人身安全?Angus表示每次工作時,都有同事在身邊。

提到Angus擁有D Cup上圍,她直言向來都有護胸之法,「我有食美胸嘅保養品,而且每個月會去通淋巴,推乳腺,胸形就靚啲,不過我係會搵女按摩師,因為搵男按摩師幫我按,我會尷尬。」談及工作,Angus透露公司有個電影計劃,她希望能擔演一角。能否接受拍情慾戲?她笑說:「我冇乜抗拒,不論係性感,或者係文藝風格,我都想做多啲突破。」有沒有裸露底線?她坦言沒有一個定位,只要劇情需要便可以,她笑言最想與偶像余文樂做對手戲。

娛聞樂陪你走遍全球追星,即Like「娛果」FB 專頁!
BannerBanner