【偷師過日辰】「燦神」廖偉雄滯留大馬7個月 參觀巨型無花果園

更新時間 (HKT): 2020.08.14 15:09
(網上圖片)

62歲廖偉雄(阿燦)近年與太太到大陸定居並發展有機農業,人生由絢爛歸於平淡。原來燦哥今年1月陪太太返馬來西亞探親,結果因為武漢肺炎疫情,至今仍滯留大馬。

《蘋果》今日聯絡燦哥,他說:「足足7個月啦,早排因為疫情冇機返,因為我點都要經一經香港返大陸,探吓啲屋企人同朋友,但返香港要隔離14日,香港返大陸又要隔離14日,成個月時間,咪搞啦,我咪留喺馬拉呢邊,參觀吓佢哋嘅農作業,順便學吓嘢,馬拉呢度我都有同人合作做生意。」

今次大馬之行,燦哥還首次見識到紅色榴槤和碌柚般大的巨型無花果,大開眼界,問燦哥會否嘗試在大陸種稙這些罕有品種時,燦哥說:「平時啲無花果一蚊銀咁大,馬拉呢邊就成個碌柚咁,呢啲喺其他地方種唔到,只可以喺馬拉種,要種成6、7年先至結果,仲喺產量唔多,呢啲巨型無花果係馬拉一個神醫種,佢話有治癌作用喎。」燦哥表示大陸農場生意有人打理,所以他亦不急於返回大陸。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新

iOS / Android

娛聞樂陪你走遍全球追星,即Like「娛果」FB 專頁!
BannerBanner