【關係曖昧】MIRROR成員Anson Lo出道前舊片流出 同赤裸男Dancer跳濕吻辣身舞

更新時間 (HKT): 2020.08.22 19:28

組合MIRROR成員盧瀚霆(Anson Lo)最近推出新歌《Burn Out》,跟其他成員Anson Kong同日推出的《蝸牛》、Jeremy推出的《迴光物語》相比,目前在YouTube的點擊已逾43萬,無論是非和點擊數字也遠遠拋離兩位隊友。引發網民討論的,除了MV數字勁升,被質疑個人IG和Fan Club IG疑似買Fans谷人氣,一日點擊遠勝不少當紅歌手,令網民質疑他狂買點擊。而他早前和梁文禮做直播訪問,其fans亦疑似幫偶像狂買Views,出現大量外籍followers,突然大受歡迎的他,在討論區引發熱烈討論。

但更惹起熱烈討論的是他曾經和男舞蹈員Ka Lok有過曖昧關係。網民翻查Anson Lo當年未出道的跳舞片,其中有他與Ka Lok赤裸上身大跳辣身舞兼濕吻的火辣鏡頭截圖,另一段跳舞片尾出現字幕「兩個人是兩個個體,最重要是互相遷就!」最後出鳴謝,更註明兩人情侶關係。而《蘋果》在社交平台上發現一批4年前的Post,其中一張是慶祝生日的大合照,相中見Ka Lok手捧生日蛋糕照,Anson Lo個頭緊貼對方,兼一臉含情脈脈冧樣。還有一個是Ka Lok貼的跳舞片,寫道:「Yasss! Song name: #nobodysbetter , but @ansonlht you are the best. Thanks @yannieyip #trytodancewithdifferentway #crewplayers @itsyourgirl_z #fettywapchallenge #z」見post下有人留言,取笑他:「咁都晒到恩愛」。可見Anson Lo和Ka Lok關係非比尋常,在朋友圈中明顯已不是秘密,大大方方公開。《蘋果》今日向其經理人花姐了解,但未有回覆。

此外,另外兩位隊友陳卓賢(Ian)和姜濤去年齊齊單飛發展,二人先後派過4首個人作品。Ian日前接受商台《1圈圈 星光背後》主持梁泰來訪問,對於經常被人拿來跟姜濤比較,他指MIRROR成員間早有共識:「Fans或外間嘅睇法好難控制,我哋12個早已有共識,無論外人點講,最重要係唔會影響我哋團隊感情。」Ian還說最欣賞姜濤做事堅持己見,相比之下自己較優柔寡斷,容易受人影響。

Ian承認12團人始終會有拗撬,但大家都會聽從隊長Lokman的意見,隊員之間最害怕的人不是經理人花姐:「隊員一定有磨擦,而隊長Lokman好有氣場,佢一講嘢我哋就收聲。其實我哋而家唔太驚花姐,最驚係Lokman,其次係AK(Anson Kong),AK係路見不平、拔刀相助好講義氣嗰種,但大家都驚佢拔刀嗰刻會忽然『爆』,花姐話AK係唔使藥引嘅炸彈,而家AK進步咗,爆完好快無事。」講到隊員感情事被關注,Ian自稱已單身3年,現階段難以認識異性:「之前打排球或而家MIRROR見嘅都係男人,真係好少機會識異性。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

娛聞樂陪你走遍全球追星,即Like「娛果」FB 專頁!
BannerBanner