【鶼鰈情深】羅家英願為阿姐擋風雨:有我喺度唔使驚

更新時間 (HKT): 2020.09.02 12:54

人稱汪阿姐的汪明荃在1988年與羅家英合演粵劇而拍拖,到了2009年兩人結束21年的愛情長跑,走向人生另一個階段,正式註冊成為夫婦。在相遇相交的日子,儘管人前有不少人覺得家英哥處於「弱勢」,家英哥亦曾經在訪問上講過:「阿姐喺雲端,我喺平地,最終能夠一齊係個奇蹟。」但事實上這段關係上,阿姐和家英哥互補了對方的不足,攜手經歷過不少生死考驗,共度了不少難關。

家英哥日前應好友苑瓊丹邀請,為她在香港開電視節目《開工大吉77》擔任嘉賓,家英哥笑稱事前叮囑苑仔「唔好講感情嘅嘢呀」,但苑仔當然不會放過機會,追問兩人拍拖的軼事,搞到家英哥有點招架不住:「同苑仔係好朋友,訪問一開始我都話咗,但佢問到亞姐嘅嘢,特登啄住嚟問!不過真係好耐冇見,所以好多嘢都要講嘅。」苑仔問何以家英哥吸引亞姐,家英哥「遊花園」地說:「我都唔係好明白,佢都冇同我講,我點知佢鍾意我啲乜嘢!我對佢都唔算細心,又唔算好遷就佢,外界嘅人以為佢惡過我都好正常,因為佢對工作好嚴謹、要求好高,諗住佢對羅家英都係咁,實情係…都差不多啦,我好難講得出口,好難答!」

雖然在2004年家英哥被確診患上肝癌3期,當時阿姐一直在身邊不離不棄地照顧他,甚至主動地向家英哥表示待他病癒便立即結婚,不過家英哥在訪問上表示自己並不浪漫,為了給阿姐名份而結婚,還笑指自己思想陳舊:「我哋冇示過愛,第一次拖手係過馬路,拖吓放手又拖吓咁,之後睇戲佢話好驚就拖住我,大概係咁啦。」二人先後經歷大病,過程中互相支持,撐起對方的心靈:「其實係阿姐病先嘅,我記得有一次佢喺內地開會,突然打畀我話要返香港睇醫生,咁我咪去接佢囉,知道要做手術佢都驚驚哋,全靠我喺旁邊做大男人『保護你,唔使驚,有我喺度!』當時佢好感動囉!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

娛聞樂陪你走遍全球追星,即Like「娛果」FB 專頁!
BannerBanner