【一路好走】資深副導朱日紅離世 為電影界貢獻半世紀

更新時間 (HKT): 2020.09.02 14:56
(香港電影副導演會FB截圖)

資深香港電影副導演朱日紅(八姐)昨日離世,享年86歲。章國明導演今日在Facebook悼念故友,他寫道:「正中嗰位係:朱日紅,我哋都叫佢做『八姐』,香港電影重點人物,我哋曾經一齊登上喜馬拉雅山,而家佢就獨自登上仙界,八姐再見!」

電影工作者總會會長田啟文(田雞)接受《蘋果》訪問表示:「昨日中午有行家攞粥畀佢食仍好好,晚上佢喺梳化時,工人叫佢入房瞓先知佢走咗!佢嘅喪事,我哋會同佢家人商量,睇吓需唔需要幫手!」

而曾經跟八姐合作無間的黃百鳴接受《蘋果》訪問,憶述跟對方共事:「八姐喺新藝城幫我哋做《開心鬼》系列副導演,佢係一個好資深副導演,又好心機照顧當時好頑皮嘅開心少女組班友,係好難得好好嘅電影人,我對佢相當尊敬。其實佢喺電影圈好長歷史,佢自細抱住馮寶寶拍戲,喺粵語片電影圈好有經驗,新藝城一開始時,所有好多電影都係八姐幫我哋做副導,佢真係副導演王,新藝城所有人都好尊敬佢。」

人稱八姐的朱日紅擔任副導演接近60年,曾與李香琴、任冰兒、梁素琴、黎坤蓮、金影憐、許卿卿、英麗梨及譚倩紅等二幫花旦結義金蘭姊妹,合稱「九大姐」。1991年榮獲香港電影金像獎頒發專業精神獎,亦是第一位在台上獲獎的香港電影副導演,當年更是由周潤發頒獎予八姐。去年「香港電影副導演會」為表揚八姐多年來為電影界的專業貢獻,以及表揚她在副導演界的肯定地位,執委麥啟光與劉小慧在農曆新年間拜訪八姐,並邀請八姐為副導演會及一眾副導演們錄製了一段勉勵說話,藉此短片互相鼓勵,為香港電影界共同努力。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

娛聞樂陪你走遍全球追星,即Like「娛果」FB 專頁!
BannerBanner