獨家|細So為慳錢玩車震 阿B親熱後驚覺染性病

更新時間 (HKT): 2020.09.02 19:53

前商台DJ細So(蘇耀宗)驚爆背妻偷食,2年半前暗撻KOL「阿B」玩婚外情,今年6月才斬纜。昨晚細So公開認錯獲老婆原諒,更指有人要他「名譽掃地冇飯開」;阿B好友出頭反擊爆大鑊,接受《蘋果》訪問力數細So,直指阿B染上HPV病毒。

兩人的孽緣發生於2017年12月,好友爆料:「細So不停喺IG like我個friend啲相,又留意佢動態喺邊度出沒,去停車場搵佢架車攝啲嘢,又送小禮物,同我朋友講其實佢同老婆冇咗感情,只係責任,又話老婆唔靚,呢兩年只係同我朋友發生性行為,冇同老婆扑嘢。佢哋一齊之後,細So租咗studio做見面地方,十次見面有七次扑嘢,之後因為加租,所以冇續租,跟住每次都喺車上見面,返電台前去獅子山郊野公園,甚至扑嘢都喺車上進行。」

2018年1月,阿B做身體檢查發現有濕疣,而且發生性行為時出血,才知中了HPV,曾質問細So,他發短訊向阿B認錯:「I’m so sorry b, That’s I 傳染了你,I love you. Don’t give me. Let me hold your hand and teach you.」並承認跟阿B一齊前的1年,曾與另一個女仔發生性行為。去年4月阿B因為HPV病毒變成CIN1(子宮頸癌前病變),阿B入院做手術。「細So冇去探佢,醫藥費都係朋友自己畀。」同年9月11日,細So發短訊慰問阿B:「I miss you so much b. Feel better your back? 要再去看醫生。」

之後兩人曾冷戰,阿B埋怨細So:「當初,你以為自己有勇氣去愛,最後沒有,就只是這樣,我懂了。」細So再向她道歉:「是我帶給你病」;兩人分手是否因染上HPV?好友說:「唔係,真正分手係今年6月左右,俾商台炒咗冇見面,佢話冇時間,又話老婆發現咗,管得好嚴,我哋都勸朋友放手,留住你原因只係性,唔係好鍾意你。」

好友指阿B屋企做生意,阿B曾送不少禮物給細So,包括限量版lego、《秋天的童話》手錶,又買參茸海味給細So父母,甚至送玩具給他的兒子。問細So是否曾對阿B有承諾?有冇講過會離婚?好友說:「只係話好愛,生命裏面唔可以冇咗你,但冇講過會離婚。」好友數臭細So:「佢好假,講到自己情聖,分手當日鬧番朋友轉頭,叫唔好爆畀老婆知,又話真係愛你,為勢所迫先唔見面。」

好友曾在IG私訊細So叫他珍惜阿B,細So回覆:「我很珍惜我們的,我身不由己,我很無力,對於我們,我一直捉不住她。我每日都好亂,每日都好驚,仲要冇咗份工,今日唔知聽日事,晚晚仲要開live,扮若無其事,去安慰別人,有人明咩……我知道佢為我犧牲咗好多,我愛佢,我唔想傷害佢,我根本保護唔到佢。」

而好友更於今年6月22日,在IG私訊細So老婆玩踢爆,指朋友證實感染了HPV:「希望你先生自重,我希望你先生都曾經有坦白同你講,畢竟對你都唔公平。」、「佢哋租咗一年,之後喺車見,所有嘢都喺車同個地方發生。如果你有車cam你會明白,但要有心準備,會見到好多畫面,你驗完身,都會明白,請你先生唔使再搵我朋友。」

由於阿B好友提供「That’s I 傳染了你」短訊證據,指控細So將性病傳染給阿B,《蘋果》昨日向細So求證,他在電話說:「當其時從佢(阿B)口中知道呢件事,因為未了解狀況,我只能同佢道歉同埋安撫佢,而事後我同我太太都有去做身體檢查,發現我同太太都冇染病嘅。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!