不倫戀獲老公盲撐 
Macy爆細So主持ViuTV節目 嗒人妻參賽者

更新時間 (HKT): 2020.09.04 02:00

商台前DJ蘇耀宗(細So)日前被踢爆背妻出軌,偷食KOL「阿B」,二年半的孽緣直至今年6月才結束,前晚「阿B」真身練美施(Macy)現身,其後她與老公王先生接受《蘋果》專訪,Macy雖然擺明搞不倫,但王生仍盲撐:「佢冇缺點。」昨日Macy又爆細So以往曾搭上ViuTV節目的一位參賽者,當中目標涉及街頭歌手、人妻張紫語(Jelly),令偷食事件又增添新成員。

商台前DJ蘇耀宗(細So)被踢爆背妻出軌,前年開始偷食KOL「阿B」,至今年6月才結束,偷食女主角前晚現真身。原來「阿B」真名叫練美施(Macy),現年約35歲, 2012年結婚,隨即生了一子一女,三年抱兩,近年在網上經營童裝和首飾生意。而孽緣曝光後,旋即成為討論區的熱話,當中2018年Macy做身體檢查發現中了HPV(人類乳頭瘤病毒),曾質問細So,他發短訊向Macy 認錯:「That’s I 傳染了你」,並承認跟Macy一齊前的一年,曾與另一個女仔、自己主持的節目《ShowTime我主場》其中一個參賽者發生性行為。

人妻張紫語刪fb避嫌

網民紛紛猜測這個曾經的小三是誰,記者翻查資料,細So曾於2016年夥拍陳詠謙為ViuTV歌唱比賽《ShowTime我主場》任主持,當中一眾參賽者當中,有吳日言、陳慧敏、KellyJackie等,以現年31歲白滑有身材的張紫語(Jelly)最大嫌疑,事關她外型跟Macy甚似,白滑身材好,更重要的是,Jelly都是已婚人妻,脗合細So的「喜好」!昨日她更忽然將Ig轉成private,連fb賬戶也刪除,只留了微博賬號。Jelly於微博不時晒出低胸福利照,偶爾亦會上載跟老公吳先生的拍拖相,其中一輯二人到大阪旅行時所拍的照片,Jelly留言表示:「我係為咗『佢』先走嚟大阪㗎。呢個『佢』係指Spider-Man,唔係吳總喎! 」之後她又將自己與老公的對話打出來:「老公,估唔到原來你留鬚都幾型。」另外,同樣是《ShowTime我主場》參賽者的吳日言,被問到可是「第四者」身份時,她以短訊回覆《蘋果》:「抱歉,不回應。」而Jelly至昨晚截稿前仍未回覆。

Macy昨被問到Jelly是否細So的偷食對象?她以短訊回覆《蘋果》表示:「佢問我想唔想知,我話唔想,因為我本身唔想知太多八卦,我唔想知道唔開心,所以我冇問。不過同時間,我都係另一邊聽到同一回事,所以我相信係有呢一件事。」

前晚《蘋果》以電話獨家訪問Macy,她爆喊指自己對細So的感情是認真的,又形容丈夫王先生是「一名好先生及好爸爸」,並已原諒她。而身為中醫的王先生昨日也透過《蘋果》回應:「其實我太太真係好好,我成日都同病人講佢無缺點,做事工作湊小朋友都做得好好,但份人太簡單,好易信人,我太太同對方開始時,我都有同佢講過,唔好太相信對方,呢一切都唔係真心。」王先生也十分維護太太:「無論如何,事情過去咗,我覺得佢勇敢面對,錯咗自己肯認,而且有決心離開錯嘅人希望大家都保護返我哋。」對於老公開腔撐自己,Macy好感動,指老公向來低調,據知Macy與老公王生年齡相差20年,《蘋果》記者昨早10時多就曾到王生的工作地點視察,Macy稱老公醫館昨日休息。

Macy默認墮胎「唔想提」

對於今次有朋友為她抱不平爆大鑊,Macy堅稱事前不知道,如果知必定阻止,她受訪又提到「身體唔止一次受過傷害」,問她有甚麼傷害時,Macy隱晦稱:「可能要做過手術,唔止一次嘅手術,連蘇生都唔知道嘅。」問她是否曾為細So墮胎?Macy默認:「唔想提。做子宮手術嘅事,係朋友同先生知,其他手術只有我知。」講到得性病,她指自己與老公有定期驗身,肯定不關老公事,但問到她與細So是否因病分開,她說:「係當中所有唔開心嘅嘢。」提到Macy婚姻狀況,她坦言未離婚,但與丈夫的關係,在與細So一起前已在「協調」。對於勇敢承認第三者,她說:「可能報料嘅人未必想保護我,但我有想保護嘅人。」

昨日Macy亦接受其他傳媒訪問,她承認糾纏感情期間及事件曝光後,有輕生念頭,又指原來除老公外,細So太太阿Wing也早在2018年已發現枕邊人不忠,且早鎖定第三者是她,但Wing沒主動找她攤牌:「細So有同我講話太太知道咗,但用咗好多大話呃佢,話唔會離開我。」

娛聞樂陪你走遍全球追星,即Like「娛果」FB 專頁!
BannerBanner