【自行搜索】黃秋生批評李桂華行為似校監 袁彌明指快必罪名「莫須有」

更新時間 (HKT): 2020.09.06 17:26
(FB圖片)

前DJ兼人民力量副主席「快必」譚得志,今早10時許被多名香港國安處人員,於他大埔寓所,以涉《刑事罪行條例》中發表煽動文字罪將他拘捕及搜查,隨後將快必帶到大埔警署。

對於警方以煽動文字罪拘捕快必,黃秋生以短訊回覆《蘋果》:「佢成日都被捕㗎喎,好似冇次告得入。唔知佢煽動咗啲乜呢?我冇睇喎!」秋生和傳媒一樣,都好奇快必發表涉煽動的具體言論,惟警方國安處高級警司李桂華中午交代事件,被傳媒追問時卻未有正面回答,只是着傳媒自行到快必社交平台搜索。

秋生獲悉李桂華回應後表示:「咁即係自己理解乜嘢係煽動言論呀?係咪呀?咁似我細個寄宿學校個社監嘅?你知唔知我點解罰你?唔知呀阿sir。你自己諗吓啦。 哦!罰企兩個鐘後。諗到未?未啊阿sir。咁你走啦。」秋生最後更抵死補充:「真人真事嘛。我講自己經歷咋。如有雷同,實屬巧合。」

而快必好友袁彌明,則以短訊回覆《蘋果》表示,今次拘捕的罪名是「莫須有」:「取消選舉日 ,拉每日仲拉緊票、舉行健康講座、日日派口罩畀街坊的快必,罪名是莫須有。目的是殺一儆百,但我們不會怕,要繼續推動今年內舉行立法會選舉。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

娛聞樂陪你走遍全球追星,即Like「娛果」FB 專頁!
BannerBanner