鄭敬基怒轟大台代表中央 李綺雯:欲加之罪何患無辭

更新時間 (HKT): 2020.09.16 19:33

新增回應

港版國安法令香港社會籠罩一片政治陰霾,日前大台處境劇《愛‧回家》出現一個被指是「五一」黃手套抗爭畫面,大台昨日向負責該集的導演Justin開刀。事後《蘋果》得知事件只是牽涉某藝人一時貪玩的惡作劇,結果「舉中指」變成「五一」手勢。而明知真相的大台,最後卻以涉國安法及報警為由,威脅該導演自動辭職。

大台曾揚言會緝拿涉事者,結果卻是找「替死鬼」,向來「撐黃」的藝人李綺雯,去年開始被大台雪藏,直至今年5月約滿正式離開大台。李綺雯曾在《愛‧回家》飾演江湖大佬千金,她接受《蘋果》訪問時表示:「好震驚,呢個導演拍嘢好有心,少咗掣肘,希望佢有更大發展,欲加之罪,何患無辭,做人最緊要對得起自己良心。」她續說:「平時啲劇要畫公仔畫出腸,估唔到而家兩隻手套可以無限解讀。」

同樣曾有份拍《愛‧回家》,劇中飾演林淑敏秘書垃圾清的周梓盈,去年尾因表態支持反送中而不獲大台續約。對於今次大台因一對黃色手套而逼導演辭職,她以短訊回覆《蘋果》:「我有留意新聞,但我離開咗TVB好耐,所以唔評論啦!」

至於因發聲不獲無綫續約的鄭敬基狠批:「手套事件令TVB已經唔再係一間電視台,亦唔係甚麽娛樂事業,而係徹徹底底嘅國安部門,清潔手套喺嗰場戲係需要,今次係由TVB代表中央表達訊息,無論有心或冇心,都可以成為國安法下懲治可能性,大家以後唔需要出聲,所以任何一個睇電視大嘅香港人,反送中開始至國安法通過後已離棄TVB,有良心嘅香港人,以後提到TVB時,唔該加 hashtag:BoycottTVB,畀國際傳媒機構睇到黃色手套事件,點解要導演同PA辭職?點解演員冇責任?呢個係超越政治迫害。」

而去年多次因社會運動在網上發聲的前大台藝人黃得生,對於《愛‧回家》導演被迫辭職,他大嘆無奈:「喺現時咁嘅社會環境都冇得講合唔合理,公道自在人心,一條片出街要經過拍攝剪片同監製睇過先,而劇集本身就創作等觀眾去幻想或娛樂,而唔係教育電視,如果因為咁樣要問責,香港嘅創作只會更加萎縮。」至於今次事件中的當事人Justin,《蘋果》曾以短訊訪問他,但暫時未有回覆。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner