清算行動丨大台追究《愛.回家》「五一」抗爭手勢 傳負責導演已遭解僱

更新時間 (HKT): 2020.09.16 00:30

被嘲是CCTVB的無綫,上周三(9日)播出的處境劇《愛.回家之開心速遞》中,竟出現「五一」抗爭手勢,鏡頭中兩隻黃色膠手套,一隻手的中指舉「一」,另一隻手舉「五」,在電視上播足14秒,頓成網民熱話。事後無綫回應指已查看片段:「究竟係有心做出呢件事定係巧合,在公司來講巧合嘅機會比較細。」無綫估計是「有心人」刻意做出破壞情況,聲稱會嚴肅跟進此事,不容忍類似事件發生,揚言要找出故意製造破壞的人,又指由於此事牽涉許多人,要「緝拿」涉事人士並不容易。

據《蘋果》收到消息,無綫昨日就《愛.回家》驚現抗爭手勢風波,解僱了一名導演Justin,有指Justin乃負責該集拍攝工作,因此要負上責任,Justin已接獲無綫通知,昨日正式解僱,而Justin返回無綫後,也有跟同事拍照留念。

傳媒致電Justin了解,問是否因抗爭手勢遭無綫解僱?Justin說:「我唔清楚喎,我真係唔知道。」問是否還是無綫員工?他表示「係」,但問到今天(16日)是否仍要返工?他猶豫:「會嘅,其他嘢一概唔清楚。」問劇組是否有人已被解僱?他說:「唔方便回應。」

Justin承認出事那集是他負責,問到那日有否身在拍攝現場?他說:「有嘅,但真係乜都唔知,我係喺現場,但乜都睇唔到。」並指事發後公司沒搵他問話,亦沒收到無綫處罰通知。而贊同公司要徹查的劉丹,被問到Justin是否因手套事件被TVB解僱?劉丹回覆傳媒表示:「我唔清楚喎,我今日放假。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner