傅穎艷福無邊玩雙性戀 被柏天男「拮」到痛

更新時間 (HKT): 2020.09.18 16:43

入行17年的傅穎(Theresa)當年與羅仲謙分手後北上發展,到了2016年在北京定居,其間認識了蒙古男友,但拍拖2年便分手,Theresa去年回流返港,接拍了劇集《熟女強人》。

始終是「行出去見過吓世面」,Theresa曾經在訪問中說過目前生活很開心,相信因為這原因,工作亦比以前敢於做新嘗試,今次在《熟女》,Theresa可謂男女通殺,她介入了吳千語和柏天男的一段情,大玩雙性戀的Theresa分別與兩人有咀戲,提到與柏天男拍咀戲的場景,Theresa表示今次是她做主動,所以當時兩人都感到壓力,本來Theresa事前打算做好個人衞生,點知劇組沒有準備牙膏牙刷,最後惟有照做:「之前喺台灣都試過拍呢類戲,點知我埋位之前食咗香蒜冷麵,搞到對手好難受,而對手本身又有傷風,搞到我拍完嗰場之後,病咗一段時間!我本身好少拍呢類戲,所以今次真係艷福無邊!」

栢天男坦言埋位前要確定大家「身體健康」才拍攝:「食香口膠嗰啲就必需啦,但係我冇咩呢方面經驗,要導演教路點做,好在呢個場景都嚟過幾次,感覺好似好熟悉咁,易啲投入角色。」幸好最後只需兩take就交到貨,表現專業,但Theresa笑說:「栢天男啲鬚根真係拮到我好痛!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner