林鈺洧借鬼上位闖出禍:退賽可能真係執番條命

更新時間 (HKT): 2020.09.19 13:43

新增內容

林俊賢的女兒林鈺洧(Denice)最近參與VivTV的靈探節目《鬼同妳上位》,不過她在節目上疑撞邪多次失控,在昨晚播出的第5集被拍膊頭再次出事,七仙羽師傅即場準備了一碗符水給Denice喝,但Denice久久都不能平復,結果她決定退出。節目播出後,Denice在IG撰文再為退出解釋,她坦言自己真的十萬個不願意:「我從來冇試過放棄任何一個工作機會。就算我嗰日腸胃炎,發燒,我都會頂硬上繼續出job。雖然最後嗰晚我個樣好似冇事,但其實嗰晚發生好多事。去到最尾5分鐘拍攝,我竟然離唔開張凳,冇力,頭暈,郁唔到,睇所有嘢都喺度震。淨係好驚,覺得我自己喺死亡邊緣。」

她表示退選至今一直很後悔兼嬲自己,更一度問自己為何不撐下去:「因為清醒嘅我係一定唔會放棄工作,師傅話,啲朋友仔跟晒我返屋企,係想我幫佢哋。但我又諗,我幫咗佢哋,邊個幫番我?我份工已經冇咗。惟有同自己講,可能有某種科學解釋唔到嘅力量警告我,退賽可能真係執番條命。」最後她再為事件道歉:「我太弱,我頂唔到,好對唔住。」

《蘋果》今日與Denice聯絡,她坦言拍攝其間發生了不少事:「完咗騷之後有朋友介紹師傅畀我check吓,我拍咗3日節目,師傅話每一日都有一班朋友仔跟我返屋企。其實我之所以決定退出,最尾嗰日,可能我唔夠瞓,能量比較差,開始見到白影,跟住覺得唞唔到氣,仲感覺到有人拍我個膊頭,去到最後嗰5分鐘就出事,我坐喺郁唔到,個頭又好暈,師傅即刻嚟救我,作完法之後,師傅畀咗把遮我擔住,到我冷靜咗落嚟,見到對面有一個半透明嘅女人,企咗喺度望住我,我咪同經理人商量係咪應該要退出?可能我嘅體質比較易接觸靈體。」

Denice之後找師傅清理這班朋友仔:「我都有問點解佢哋要跟我返屋企?師傅話啲朋友仔睇中我,覺得我可以幫到佢哋,本來我搞掂啲法事,都有同監製講可唔可以畀番我返去拍,不過佢哋話因為安全問題而唔可以,我都好怪責自己點解要做呢個決定。」

其實出事的還有湯沛宜(TOTO),昨日她在IG留言兼貼了兩張手腳有瘀傷的相片,她說:「拍完 #鬼同你上位出事之後,第日起身2隻手紅咗,樣都變埋,好在植咗靚睫毛總算仲有個樣#有頭髮邊個想做癩痢#鬼叫你窮呀頂硬上而加睇番啲相都想喊」有網民覺得有相片造假成份,不過湯沛宜堅稱是真,絕對不是開玩笑,手腳真的紅了,其後有人叮囑去看醫生,但她表示要看師傅,至於目前的情況,她則說:「而家冇事啦,因為我嗰陣弱咗,所以就遇到啲朋友。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner