傷口有眉咁長丨阿Sa讚阿嬌後生女痊癒快 預計11月回港

更新時間 (HKT): 2020.09.20 21:36

鄭秀文(Sammi)和蔡卓妍(阿Sa)今晚在尖沙嘴出席主演新戲《聖荷西謀殺案》首映禮,除了有導演潘源良出席外,老友林子祥和葉蒨文拍拖撐場,而一眾英皇上下楊受成、張敬軒、李靖筠等人出現。

今晚首映,兩位女主角並沒有刻意找朋友欣賞,Sammi笑言疫情下免打擾朋友,至於有沒有叫許志安來捧場?她說:「唔會喇,佢自己去睇,我都會再睇。」

阿Sa亦沒有邀請男友前來,她說:「之後陪佢睇,但唔會今日,今日太多人。」她不打算藉行動澄清分手傳聞,阿Sa說:「冇(分手)就冇啦,使鬼澄清。」被問二人感情是否好穩定,阿Sa只說:「我哋有我哋分數,都唔會因為傳聞嬲,成日有新聞,又話結咗婚又傳有咗,來來去去都係呢啲新聞,大家都好成熟,唔會影響我哋生活。」

早前,鍾欣潼(阿嬌)在大陸酒店廁所內跌倒撞穿頭要縫針,阿Sa指事發後在朋友群組內收到阿嬌傳來的照片,她說:「起身睇到新聞嚇一嚇,見到相佢滿頭血真係暈一暈,有朋友仲問佢係咪特技化妝,因為太真實。」阿Sa透露阿嬌將於11月回港,現時休息,她說:「佢傷口有眉咁長,但好犀利,可能後生女唔同啲,痊癒得好快,已拆線,仲有疤痕,但會慢慢退。」

另外,Sammi演唱會唱片因疫情影響延至近日推出,但她表示並沒有宣傳活動。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner