Anjaylia瘦住陀B無人知 突然報喜二女Eliana出世

更新時間 (HKT): 2020.09.20 17:43

陳嘉寶 (Anjaylia)2017年同初戀長洲闊少黃頌祈結婚,兩年後迎來B女Hosanna,今日Anjaylia非常突然地在IG宣佈,細女早幾日已經出咗世,英文名叫Eliana。報喜方法同當年Hosanna出世一樣,雖然B女相唔見樣,但就有一隻公仔陪住,外加一條繡有英文名嘅毛毯。

Anjaylia以細女角度撰文說:「感謝主,我一切安好,爸爸媽媽對我的到來感到非常感恩與興奮。請原諒他們沒有一一回覆你們的訊息,因為他們忙着照顧我與Hosanna,你們的祝福我都收到了,謝謝你們。」睇Anjaylia IG,8月時上載過的相片已經遮肚,但孕肚唔明顯,再早到4月時一段穿運動bra在家健身的相片,腰肢都相當幼。

Anjaylia回覆傳媒時就懷着一顆感恩的心:「好開心今日可以同大家分享好消息,就係我哋第二個BB Eliana喺今個月中旬已經出咗世,成個孕期都係好平安。感謝主,我係自然分娩,過程好順利,BB出世時差唔多7磅。過去幾個月,因為休養同疫期關係,少咗同大家見面,希望可以早啲出嚟見吓大家。」7月時與老公的合照依然未見肚,她說好多人都想知:「呢個都好多人問。遲啲再同大家分享啦!thank you!」

-----------------------------

【Ali x reenex膠原自生】合力革新美肌常規,學識reenex女子力學,自生膠原BB,肌膚彈滑Effortless:http://bit.ly/Alixreenex_facial

娛聞樂陪你走遍全球追星,即Like「娛果」FB 專頁!
BannerBanner