add名人時尚丨鄧達智:沒有KENZO的成功 未必有Yohji的走向世界

更新時間 (HKT): 2020.10.05 02:24

日本著名設計師、KENZO創辦人高田賢三(Kenzo Takada)因感染武漢肺炎在巴黎病逝,終年81歲。鄧達智對高田賢三的離世大為嘆息,「真可惜,年紀都唔係非常大,真傷感。」他指自己在加拿大讀書期間,經常在《ELLE》雜誌看到他的作品,「佢係第一個亞洲設計師在巴黎成名,當時巴黎人叫佢JAP,有少少污衊味道,但係佢唔介意,佢嘅美學世界喺當時巴黎嚟講係好前衛嘅。佢做好多好大膽嘅針織,又將日本元素、中國元素加入服裝入面,例如:日本和服 cutting、中國農民農村牡丹花棉襖,以至後來就轉咗去做嘅一些摩登軍裝、偏重玫瑰等等。」

他指高田賢三或許未必比日本三大設計師三宅一生、川久保玲和山本耀司著名,但其上世紀在巴黎打出名堂,對日本以至亞洲設計師都具有深刻意義,「佢係最早在巴黎成名,對世界時尚影響力,就冇最火紅嘅日本新浪潮設計師 Yohji Yamamoto, Comme des garçons 佢地咁大,但佢係一個非常重要嘅Icon。冇佢喺巴黎成名,冇響起呢個訊號:『你哋可以嚟巴黎喇!你哋喺歐洲都可以出名㗎!』冇佢嘅成功,唔會引到咁多亞洲設計師去巴黎發展;冇佢樹立起旗幟,未必會有七、八年後,呢批設計師有信心咁快踩入去歐洲呢個版圖,所以佢係一個iconic人物。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner