狗仔出更丨苑瓊丹代離港艾威照顧愛犬 帶超巨型伯恩山睇醫生拖唔郁

更新時間 (HKT): 2020.10.06 00:30

人拖狗大家見得多,但「狗拖人」又有冇見過?苑瓊丹(苑仔)日前就完美示範給大家欣賞。

日前《蘋果》記者在荃灣一間獸醫診所外,見到苑仔眉頭緊皺地講電話,看來憂心忡忡,講完電話後,苑仔走進診所拖住一隻伯恩山巨犬離去,同行還有一名女親友,原來苑仔是帶伯恩山睇醫生,而她在診所逗留了一會後便帶狗狗離開。不過,伯恩山身形極為龐大,看來還重過苑仔,以致苑仔拖住伯恩山出門口時,要出盡九牛二虎之力。

記者上前問苑仔愛犬是否有事?苑仔說:「隻狗係艾威嘅,我幫佢湊幾日,艾威返咗大陸。」艾威今年5月跟結婚18年太太Lisa分居後,與伯恩山Sashimi如兩父子般相依為命,記者問苑仔可知道艾威與太太現時情況?苑仔即封口說:「呢啲人哋私事我就唔問啦。」講到之前她在門外講電話時樣子很擔心,苑仔解釋:「隻狗唔係我(嘅)就緊張啲!」苑仔邊說邊拉Sashimi上車,又不時叫住牠的名字,但Sashimi靠住街邊欄杆不肯離開,苑仔完全拉不動,嘗試抱起Sashimi又不夠力,令苑仔大感無奈說:「老鼠拉龜!」其間Sashimi跑前幾步,一直緊握狗繩的苑仔反過來被Sashimi拖行,場面搞笑。

就在苑仔跟Sashimi拖拖拉拉之際,診所姑娘走上前通知苑仔翌日再帶Sashimi前來覆診,而在男友人協助下,苑仔終成功氹Sashimi上車,原來她飼養的愛犬也在車上,苑仔安頓好兩隻狗狗後便開車離開。看來苑仔再帶Sashimi覆診的話,定必要多找一位猛男同行才夠力呢!

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner