二月廿九續集丨《940920》明年4月開拍 蔡思韵加入與劉俊謙三度奉旨談情

更新時間 (HKT): 2020.10.18 19:37
(ViuTV電視截圖)

ViuTV神劇《二月廿九》宣佈開拍續集《940920》,昨晚在2021年節目巡禮上播出預告片,一堆不解的數字「940920」成為劇名兼故事骨幹。「940920」在《二月廿九》是余家聰(劉俊謙飾)給予Yeesa(吳海昕飾)在穿越後相認的密碼,亦是家聰媽媽的死忌,在新一季劇集中,未知這6個數字又代表甚麼呢?而蔡思韵將成為新加入角色,創立「神聖幾何學會」,與Yeesa同樣擁有穿越能力,並招攬家聰做會員。而上一季的暖男Ryan(徐天佑)悄悄地消失,未知今次是否兩女爭一男?

《蘋果》今日致電導演兼監製羅嘉駿(Steve ),他透露今季將由家聰做主體,穿梭於兩個時空之中。他說:「前後傳都有,故事應該係喺佢認識Yeesa之前,所以Ryan唔係主線人物,但都希望佢會客串。」他表示故事大綱已大致完成,但劇本仍在整理中,所以好多客串人物仍未有定案,並計劃明年4月開拍。而《二月廿九》剛揚威海外,奪得新加坡「Asian Academy Creative Awards香港最佳劇集」,問到製作費是否激增?他說:「其實差唔多,但上次去北海道拍攝貴好多,今次預計5月會去台灣取景,成本會降低啲,但疫情關係,都有啲擔心未能如期出發。」在Steve的IG Story已見到有忠粉自製海報,他直言壓力會比上一季大:「上次係我第一次監製,電視台畀我壓力無咁多,但大家咁鍾意,今次基本都係原班人馬製作,我哋預計明年12月交貨,畀多啲時間寫好劇本。」

吳海昕不介意續集要「坐歪」,她說:「劇本仍在努力創作中,所以戲份比仲未清楚,現階段只知道有更多新人物加入,對故事本身嚟講更加有吸引力同神秘感。噚晚出完teaser反應好熱烈,最緊要得到觀眾繼續支持!新一季最大壓力是劇本上要同時兼顧兩個時空難度非常高,但對團隊好有信心,台前幕後合作無間已經好熟,相信將會有更多火花,絕對不會令觀眾失望!」可擔心劉俊謙和蔡思韵這對真情侶拍攝時太過甜蜜?她笑說:「以我觀察,阿謙喺現場同導演最甜蜜!」

新加入的蔡思韵表示心情興奮,因為自己都有看《二月廿九》:「平衡時空、穿越劇嘅題材感覺好新穎,所以當監製嚟搵我傾第二輯,我都好期待個劇本,但現在當然唔可以劇透住啦。」今次團隊將赴台灣取景拍攝,亦是另一個吸引之處,她解釋:「以前喺台灣讀大學,對當地有一份親切感,希望順道可以同朋友敍舊。」至於與男友奉旨拍拖,她直言不是第一次,相信會有新火花:「我覺得都會好自然嘅,之前拍《幻愛》大家早有默契,嚟緊又合作舞台劇《午睡》,相信演員之間嘅合作,喺唔同戲種、劇本上,相信會擦出唔同嘅火花。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner