黃榕為健身操到上圍縮水 揀男友最緊要大

更新時間 (HKT): 2020.10.18 18:15

綠魔許嘉浩(Karl)今日31歲生日,邀得好友趙哲妤(Uny)、黃榕及尹蓁晞等到上環舉行慈善生日派對,為惠家飯堂計劃籌款。Karl表示已是第11年做慈善生日會:「每年生日都同慈善機構合作,今次惠家係向老人家同低收入人士派熱餐,已經叫咗啲fans同朋友捐錢,我自己都捐咗1萬,暫時籌咗5萬幾,希望越多越好。」

Karl表示稍後會到不同地區派飯,Uny指會帶3歲的囡囡齊齊派飯:「因為而家佢去戶外學習嘅機會少咗,所以都會帶佢去做吓慈善活動,佢開始有錢嘅概念,都會叫佢捐自己啲錢出嚟。」Uny笑指因武漢肺炎疫情,囡囡很少外出,經常指着門口扭計想去公園玩:「我買咗個泳池畀阿囡喺天台玩,同埋佢而家可以返學開心好多。」她早前完成言語治療課,每星期為聽障小朋友授課:「希望可以投身多啲慈善工作。」

眾人會於活動進行以旅遊為主題的時裝騷,Uny以杜拜服飾現身:「我都有少少掛住去旅行,因為平時都會一年同小朋友去1、2次。」黃榕以夏威夷為主,性感谷胸現身,但勤於健身的她坦承上圍縮水:「細咗1、2個Cup,啲Bra都鬆咗,不過我會繼續努力準備參加12月嘅健美比賽,希望攞到冠軍,為咗比賽,我捨得(上圍縮水)㗎。」

問到黃榕會否擔心太大隻嚇怕男士?她說:「所以我要搵啲好大隻,越大越好,胸肌、背肌都大,年紀唔好大就得。」她指過往男友多數比自己年紀少,最多相差10多年:「我要小鮮肉。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner