黃藍之家丨袁彌明擺明唔妥容海恩 袁彌昌自爆女兒家中蠟筆冇黃色

更新時間 (HKT): 2020.10.19 22:19
(電視截圖)

向來政治立場鮮明的袁彌明,其家人包括父親袁弓夷、老公林雨陽及大家姐袁彌望都是傾向支持自由和民主的「黃絲」,可是自稱中間派的哥哥袁彌昌,卻娶了「深藍」的建制派容海恩。今晚港台節目《鏗鏘集》播出最新一集「袁氏這一家」,訪問了這個「黃藍之家」,節目中袁彌昌再次提及女兒的蠟筆中,已沒有黃色,而老婆容海恩曾叫老公勸「黃到金」的老爺袁弓夷不要「反共」,她坦言再冇機會跟袁家人同枱食飯。

節目一開始,介紹袁家各人的政治立場,容海恩更強調的說︰「嫁之前都知我係建制派啦。」她表示過去與袁家上下相處,大家都有共識不談政治,即使聽到他們討論,她只好去斟茶避席。而大家姐袁彌望坦言容海恩沒有出席的家庭聚會時,她跟父親可以暢所欲言談政治。

袁彌昌和容海恩婚後育有兩名女兒,節目中袁彌昌提到女兒所用的蠟筆中,已沒有黃色,他還說︰「唔知飛晒去邊度,曾經係有過,最緊要唔好影響到佢(指住女兒)。」容海恩曾公開表示過不用教小朋友認識黃色,一度引起譁然,但她卻表示︰「唔係咁意思,點會唔教黃色,你唔會唔教藍色同黑色,係佢哋幼稚。」容海恩更指袁氏家人去遊行前,會來她家中探兩名女兒,她說︰「着黑衫都算啦,當係衣着顏色,但我覺得講政治會影響小朋友,我會話一、兩句,喂!小心點。」

自從去年7.21事件後,袁氏一家已甚少家庭聚會,袁彌明表示︰「分界線係7.21,唔想見到啲藍絲。」她更開到聲表明最憎新民黨,更揶揄阿嫂︰「佢好鬼藍。」至於自言是「黃到金」的袁爸爸袁弓夷,更遠赴美國打國際線。作為女兒的袁彌明支持父親,更謂︰「呢個係千鈞一髮嘅機會,佢嘅人生目標就只得一個,只係犧牲唔可以喺香港見我哋。」

至於容海恩坦言曾叫老公袁彌昌勸過老爺,可惜老爺立場企硬,她更說︰「我有勸,但勸唔到,真係搞佢,就捧起咗佢;我先生係佢個仔,會唔會令人擔心呢?」容海恩更坦言︰「好難同佢喺街食飯,係有所避忌。」相反袁爸爸大方的說︰「佢遲早同我撇清關係,正常嘅,我唔會怪佢。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner