抗拒北上寧靠積蓄

更新時間 (HKT): 2020.10.26 02:00
■陳蕊蕊擔任帛琉美人魚大使,亦會教人潛水做美人魚。資料圖片

不少香港藝人紛紛北上賺「人仔」,陳蕊蕊亦曾被朋友勸說到橫店半年等機會,但她卻拒絕:「自己真係唔得,因太多朋友屋企人喺香港,去到又唔一定保證有工作,冇實質嘅嘢令我有動力去冒險。」此外,她認為內地工作、生活模式跟香港不同,問到是否擔心單身女仔隨時「蝕底」?蕊蕊坦言:「咁應酬一定有,但我一定要有香港嘅同事或朋友陪住,正常社交握手係OK,我都識避同埋太過份我一定會出聲,對方多手多腳我會好強硬。」

蕊蕊曾經營party room,現仍有美人魚班及網上零售等生意,但受武肺疫情影響,加上演藝工作全面叫停,一度只能靠積蓄過活。蕊蕊謂:「美人魚我哋一直只係book場搞,教練又冇簽死,至於網上生意我哋冇舖頭,所以冇咩成本。」經濟拮据時男友有否出手相助?她笑言:「咁食飯一定係佢請,但嗰時真係少出街,主要係俾屋企人,所以都仲可以,唔使要男友太大支持。」

娛聞樂陪你走遍全球追星,即Like「娛果」FB 專頁!
BannerBanner