火雞姐出寫真晒圓潤翹臀 鄧月平高衩旗袍對撼

更新時間 (HKT): 2020.11.05 18:45

鄧月平和丁可欣(火雞姐)以不同風格和一眾女性拍攝慈善寫真集,展現女性真我一面。

火雞姐以多個喱士內衣造型上陣做運動,將性感和力量集於一身,其中一個畫面穿上白色喱士內褲,大膽露出圓潤蜜桃臀,她說:「亞洲女性pat pat未必似外國人咁堅挺,好難操練,花咗兩年時間先練到呢個形態。」火雞姐在場看到自己照片時顯得尷尬:「諗起拍攝時嘅情況,着住T-back好多人睇住。」火雞姐與男友經3度分開正式分手,隨即大解放,她否認受甩拖影響:「每對情侶分手後都會有搵返自己地方,但我一向鍾意表露自己。」

鄧月平以大戲和旗袍look造型上陣,相對性感度較低,不過就充分展現線條美,她解釋:「出道後身材都受爭議注目,但得唔到回報,我唔介意,不過想大家留意我內在,加上大戲係台上3分鐘,台下10年功,涵蓋到香港新一代演員現況。」相對火雞姐的大膽尺度,鄧月平明顯錫身,她笑說:「都唔錫身㗎,化大戲妝都好辛苦,頭好重,體會到台上演員專業,十分痛。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner