雪妮年紀大聽覺退化記性差 息影獲獻花感動到喊

更新時間 (HKT): 2020.11.12 20:38

蔡思貝、張振朗、張曦雯(Kelly)、雪妮、簡淑兒等藝人今日出席新劇宣傳活動,原本有份拍劇的秦煌早前跌倒,已經出院留家休養的他,今日雖然沒有出席活動,但亦有拍片報平安:「我好返好多,冇乜事喇,精神好好。」其間,蔡思貝拿着兩張心意卡,一張送給秦煌,希望他早日康復,另一張則送給日前宣佈離巢退休的雪妮。當接過蔡思貝的心意卡及張振朗所送的花後,雪妮忍唔住感動落淚,而全場藝人亦向她拍掌致敬。

今年75歲的雪妮,在接受訪問時坦言有點不捨得,但為了健康着想,亦要忍痛離開工作多年的地方,就連客串亦不打算接演。她說:「我年紀大,兩隻耳要戴助聽器,聽覺退化記性又差,所以嚟緊都會過啲悠閒生活。」雖然去意已決,但雪妮透露之前已拍好3部劇未出街,往後她亦樂意幫手宣傳。

張振朗和劇中多位女演員都有咀嘴戲,他笑言要多謝監製令他艷福無邊。之後他接受訪問時,講到會否擔心同樣是藝人的女友楊偲泳會呷醋,張振朗說:「都唔會,因為佢都知發生咩事,佢知我哋係演員,工作就係需要呢啲,所以佢唔會呷醋,佢都好明白事理。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner