鄧健泓重溫綜藝節目舊作 感嘆皮光肉滑不復再

更新時間 (HKT): 2020.11.14 23:04

鄧健泓(Patrick)今晚到新蒲崗出席網上音樂會,並邀請安俊豪擔任嘉賓,不過今次兩人並沒有合唱,鄧健泓笑言:「唔會,我驚比下去,人會老,而家睇番以前主持綜藝節目,真係皮光肉滑啲,原來人真係會老。」

此騷原定較早前舉行,但因3月時Patrick失聲而押後,他表示經已有段長時間沒有站在台上獻唱,對上一次是太太石詠莉跟伍仲衡的音樂會中客串唱幾首。他坦言已經退居幕後,原因是過去10幾年被唱歌產生陰影纏繞,他說:「04年開始失聲,我用咗好多方法醫治去唱《新居入伙》隻碟,之後發現好番都唱唔到以前咁,到18年有機會開騷,我都覺得自己做得唔好。直至近呢年半,我就覺得自己冇嘢再輸,於是再研究番唱歌技巧。」

以往曾與曾偉權同劇演出,對方剛傳出不敵癌魔離世,Patrick低頭說:「我哋唔係成日合作,但成日喺唔同劇集見面。」他指2020年是十分不開心年份,或者隨着年紀慢慢大,便要經歷朋友及認識的人一個一個因不同原因離開。他覺得從中領悟要更珍惜當下擁有的人和事。

另外,安俊豪日前在生日會上發橫財,但無奈應驗了師傅年初批命所指,他今年是儲不到錢,即使有橫財也會花掉,結果生日過後幾天,便經歷人生首次座駕爆呔,他只能認命勤力工作賺錢。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner