杜汶澤「喱騷」下星期轉攻收費App:要拍嘢梗係拍畀香港人睇

更新時間 (HKT): 2020.11.25 16:25

杜汶澤在2018年創辦網台「杜汶澤喱騷Chapman To’s late show」,節目內容以惡搞及抽水形式諷刺時弊,結果深受網民歡迎,阿澤其後在旗下喱騷專頁的followers人數,突破一百萬人,他曾說:「喺呢個言論自由被打壓到體無完膚嘅香港,本台會繼續嬉笑怒罵,繼續為五毛創造更多就業機會、製作高質低俗嘅節目畀大家!多謝你哋!」直到最近這些社交平台的言論空間越縮越窄,動不動便遭到封鎖留言,這平台已經不再是一個可以暢所欲言的地方。

今日阿澤在喱騷專頁上載了一條短片並宣佈將有新動向:「正所謂有得揀先至係老闆,作為本台單一最大股東,CEO嘅選擇,竟然係將『杜汶澤喱騷』撤出社交平台?!各位觀眾稍安毋躁~因為『杜汶澤喱騷』將會進入另一新階段,開創自己嘅平台,讓屬於真·香港人嘅藝人,打造屬於真·香港人嘅娛樂!12月2日,全新「喱騷」App及網站全球正式上架!」

在片中,阿澤表示香港的娛樂同好多事一樣,已經去到一個看不到未來的狀況:「原因好簡單,電影公司或者係電視台嘅老闆,佢哋嘅立場同取向已經決定一切,呢樣係好正常,投資者梗係有權選擇,所以關鍵就係邊個係老闆。」作為喱騷CEO的阿澤決定為公司作出了一個重要抉擇:「今後你哋唔會喺facebook同YouTube睇到喱騷嘅節目,我哋會將節目喺社交媒體搬走,開創屬於自己嘅App,務求將創作自由上嘅障礙減到最少,由一個網台發展到成為真正嘅電視台。」

在節目安排方面,阿澤表示將會有黃秋生、王宗堯、田蕊妮、陳漢娜、胡希文、莫竣名和莊韻澄等人坐鎮,除了綜藝節目外,亦希望可以製作劇集、電影,他還說:「香港人點解養唔起香港人?我作為公司唯一嘅最大股東,我嘅選擇,如果要拍嘢,梗係拍畀香港人睇喇!我相信呢個世界、呢個時代,根本唔需要有娛樂大亨,因為我相信,觀眾先係真正嘅娛樂大亨。」

對於開發收費App,阿澤回覆《蘋果》說:「冇錯,我哋月費60蚊,開台做緊優惠,只要畀600蚊就可以成為VIP會員,不單止可以睇到12個月嘅(「喱騷」)節目,仲獨家收睇到杜汶澤「Stand up Hong Kong香港企硬」,呢個優惠係月費計劃冇。亦即係話你畀月費係睇唔到「Stand up Hong Kong」嘅,你要成為月費會員至可以睇到,聽落係咪好抵X呢!」阿澤還續說:「傾緊搞網劇,你睇吓而家啲經理人公司幾仆街先得,啲藝人唔畀做嘢、又唔畀講嘢,我都想開部戲畀秋生,自己心係咁諗。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner