何嘉莉復出重錄神曲《兩種人》傳國泰機師老公薪金減半

更新時間 (HKT): 2020.11.30 12:12

前英皇小花何嘉莉曾獲公司力谷上位,有傳後來因容祖兒受老闆寵愛,何嘉莉心灰意冷,於2006年選擇結婚做少奶奶,幾乎在幕前銷聲匿迹,直至2014年,她與甜品店太子爺黃逸璋(King)離婚,何嘉莉再次活躍,翌年嫁國泰機師Gerald Sze,之後她就專心做時尚達人,閒時四出遊埠,又在網上教人化妝,百足咁多爪,之不過受疫情影響,時尚靚媽雖然早前講明不想回歸樂壇,她近日亦把心一橫,計劃復出。

今日《壹週刊》報道指,何嘉莉有意錄新歌,同埋開網上音樂會,事緣國泰航空上月裁減600名機師,當中舊制員工被迫簽署新合約,有傳何嘉莉老公Gerald薪金須減半,加上航空業陷入寒冬,何嘉莉不想老公承受家庭壓力,她承認以前是大花筒,不過有小朋友之後,萬事以子女為先。

她更笑言夫妻相處在疫情下易有磨擦,老公Gerald比以前飛行班次大減,較多時間留在家中,亦令何嘉莉學習跟家人相處別太執着細節,使一家人更和諧。講到她已重錄《兩種人》將復出,何嘉莉笑稱不後悔當年的決定,雖然現時她被老闆楊受成及經理人Mani咦咦哦哦,指她當年如果繼續工作,就好似容祖兒(Joy)及謝霆鋒咁,其實前年何嘉莉曾上TVB音樂節目再唱《兩種人》,已獲不少網民力撐,指她柔情不造作,唱功變得成熟,有另一種feel。

對於傳因老公減薪,所以要復出唱歌,何嘉莉回覆《蘋果》說:「其實復出呢件事,公司都一直有呢個計劃,同我傾咗好耐,由嗰陣時簽返做KOL,公司都有提到呢個構思,不過自己咁耐冇唱就冇諗,直至最近有音樂project,又上咗伍仲衡嘅live show,公司話點擊率好好,自己都睇到好多樂迷支持,好啦,真係復出啦,唔好再錯過機會啦,因為自己一直好鍾意唱歌,之前放低呢件事發展其他嘢,今次真係難得機會,所以決定真係復出啦,同其他嘅問題係兩回事嚟嘅,唔該晒。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner