林國斌認不孝趕母落車後悔至今 方中信拒大陸艷遇:有手尾就無謂

更新時間 (HKT): 2020.12.07 12:42

林國斌及方中信近日上TVB一個清談節目,講起自己在影圈發展的往事,崔建邦自喻年輕時是一個「榴槤」,經歷就猶如一把銼刀劈下來,令自己變得更圓潤。

方中信亦自認年輕時講嘢心直口快,得罪過TVB監製,有兩年沒開工,他未有開名僅說該名TVB監製已不在TVB工作。方中信坦言當時有供樓壓力,又得罪埋電影監製,以後「學識講嘢講3成」,多了時間做gym,結果被張耀揚嘲笑身形似「砵仔糕」,原來方中信上半身好fit有肌肉,之不過雙腳似「兩支竹籤」支撐身體。

方中信又指以前開工沒有經理人幫忙處理瑣碎事,經常被人搵着數。試過收片酬後,臨時要求他再開工2日收現金,拍攝當日製片人給他現金,沒即場數鈔票,結果回家後發現少了幾張;又有一個演員找方中信到台灣開工,結果片酬被那位演員拿走,「佢幫我袋到而家,如果嗰一啲錢,佢可以用成世,我都恭喜佢」,林國斌笑他:「口德真係非常好。」

怕有手尾唔敢有艷遇

方中信早年返大陸拍劇,那時只給演員一套來回機票,演員就要留在當地3個月,廿年前橫店住宿差,林國斌即插嘴:「你唔係住喺女朋友屋企?」方中信寸寸貢講:「有又唔拘,我都好想有。而家冇得諗添喇!」方中信直言在大陸不敢有艷遇:「我唔係好嚮往呢樣嘢,有手尾就無謂啦!發展到落去就唔係今日嘅我。哈哈!你知唔知咩係CCTV,去到邊都有,有啲嘢無謂影響到自己,畢竟自己有小朋友。」

方中信記得45歲那年搬屋入伙兩年幾,風水師說這間屋旺丁旺財,方中信心想:「吓!旺財好喇!唔好旺丁。」結果那一年笑稱「失手被擒」,門外有一棵鐵樹真的開花,個幾月後就知太太懷孕,真的沒想過做人父。他亦多謝太太莫可欣一直用心照顧家人,愛女已12歲,作為丈夫要感謝另一半,同時亦向後生時心直口快得罪過的人講一聲對不起。

而林國斌回想當年認識周星馳是因為藍潔瑛,當年他們是好友,一班人經常聚會,第一次見面就叫林國斌扯高件衫,他指周星馳度橋一早已經在腦海,拍出來的橋段並不是偶然,「唔係突然無厘頭諗出嚟,佢早就度好晒」,周星馳一到場,全個片場就好靜、氣氛嚴肅,跟大家想像不同。林國斌稱當年香港電影業最旺,有次拍《忠義群英》,成奎安同時有成十幾組戲,比梁朝偉及張學友更忙。

最解不開的心結

林國斌講到入行以來,辜負最多的就是父母,亡父離世廿年,當年正值金融風暴,自己要博命賺錢,沒太多時間照顧爸爸,現時回想會覺得好後悔,九十幾歲媽媽仍健在,不過要坐輪椅代步,林國斌指多年來自己都有一個心結。

約廿年前試過有一次林國斌約朋友外出飲酒,媽媽想坐順風車到深水埗,到基隆街附近,兜兩個圈都找不到,林國斌當時叫媽媽落車,指自己趕時間,林國斌眼紅紅說:「我媽望住我,同我講唔識路,我叫佢問人喇,成個片段歷歷在目,覺得自己好衰。當時阿媽七十歲左右,佢落咗車嗰刻冇諗呢啲嘢,直至老竇走咗,我再諗呢件事嘅畫面,我覺得自己好乞人憎、好不孝。我唔會再畀呢啲事情發生,佢而家叫我車佢去天腳底,車佢去邊度都好,我都親自車佢去。呢個係我跟家人嘅一個遺憾。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner