TVB拍警察劇冇情講 譚偉權開工硬食「牛肉乾」扣3分:根本就係陰人

更新時間 (HKT): 2020.12.10 14:34

「警察做嘢唔使你教!」有時真係同「警」又唔同命!今日TVB藝人譚偉權跟王君馨拍新劇,他在劇中演重案組總督察,其中有一幕追車場口,今日在欣澳海濱長廊拍外景,卻硬食「牛肉乾」被扣3分。

譚偉權在IG貼出影片指自己諸事不利,開工時被交通警察影相抄牌同扣分,他續說:「條路又冇牌寫住,根本就係陰人,佢哋今日一定好飽,因為人人經過都中招。我最唔抵,因為係拍攝中囉,冇端端冇咗三分喎。」片中見有疑似TVB工作人員同樣收罰單,看來劇組人員在多番周旋後都沒情講。

當然並非個個演「警察」的藝人都有特別待遇,好似撐警TVB藝人楊明,今年8月駕車途經山頂馬己仙峽道時「自炒」石壆,撞毀一段有80年歷史的戰前石牆,被控不小心駕駛、車窗透光度不足,以及拒絕提供血液樣本共三項控罪,案件將於聽日(11號)日再訊。楊明就算早前到警署報到,待遇亦好比「超級VIP」,而被楊明撞毀一段約3米長的戰前石壆,建築師料修復費達25萬,最終路政署竟然指4,000元搞掂,署方解釋石牆可用被撞毀的石頭修復,節省材料成本,約4,000元已包括行政費及工人工資。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner