堅稱冇約行山丨孔德賢否認因廖慧儀遭停工:冇人想呢啲事會發生

更新時間 (HKT): 2020.12.16 19:43

有「狂野空姐」之稱的廖慧儀被指今年參選後狠飛圈外男友Sam,對方疑為情所困,早前於油麻地一座大廈墮樓亡,終年27歲。Sam生前曾懷疑廖慧儀搭上《後生仔傾吓偈》的孔德賢(Danny),當Sam離世後,不少人將矛頭直指廖慧儀和孔德賢兩人,孔德賢的IG賬號被大批網民瘋狂地「轟炸」留言,事後兩位當事人遭暫停工作。

潛了水一段時間的孔德賢今日終於「上水」,現身台慶頒獎禮公佈入圍名單的記者會,有備而來的孔德賢,對於被捲入廖慧儀與離世前男友Sam的感情糾紛,他說:「我諗冇人想呢啲事會發生,不過我都係唔好講咁多,始終係人哋嘅事,而且亦唔想再提呢啲唔開心事,等事情慢慢沖淡,希望2020年快啲過去,等大家都開心番。」不過他承認心情有因為留言而受到影響:「屋企人同朋友都好擔心,我都休息咗幾日先再投入工作。」他更表示何哲圖和余詠珊都有分別向他了解:「始終發生咗新聞,打畀我了解吓啫,教吓我點樣面對問題。」

問到有指被飛出主持《勁歌金曲》,孔德賢說:「本來係安排做主持,但因為我要拍《把關者們》,我又好鍾意呢個劇嘅角色,戲份亦都好重,所以希望想專注喺套戲,所以作出咗調動啫。」至於被指曾相約廖慧儀行山,他則說:「我哋只朋友與同事,嗰日我係去咗行龍脊,係約《後生仔》嘅Anson,嗰日人多到好似行花市咁,但係我全程冇見過廖慧儀,亦唔知佢有冇去。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner