田蕊妮出馬斟成王宗堯投「喱騷」旗下 杜汶澤:以後靠晒你

更新時間 (HKT): 2020.12.23 20:08
王宗堯簽約成杜汶澤網台「喱騷」首位包薪藝人。(facebook圖片)

今日「比比鳥」周柏豪表忠失效,慘變「潛行雙面人」,反觀黃到出面的藝人王宗堯,心繫香港社會,由前線到後勤都盡過力,更獲封為男神!可惜官司纏身的王宗堯,近日因應要「負擔起龐大的律師費用」,公開求「懲罰」。求罰post一出,一呼百應,他繼與《蘋果》合作全新節目《王探黃》後,被連chur數天的王宗堯,今天再傳來好消息,他正式投杜汶澤旗下,成為其網台「喱騷」首位包薪藝人。

杜汶澤今早在facebook出post,指「周柏豪事件,正正反映到香港藝人本土發展嘅艱難,之所以我咁天真、咁辛苦都想做起個黃色娛樂圈就係咁解!嗰日我響台灣見到香港新聞,話王宗堯有困難,我唔開心咗幾日……(中略)我噚日打畀杜太(田蕊妮),叫佢約宗堯,同佢傾下長期合作計劃。」阿澤仲表明,希望有人「唔抵得」自己,出高價與他爭王宗堯。

結果今日傳來喜訊,田蕊妮斟掂王宗堯,成為「喱騷」的第一位首位包薪藝人!阿澤貼出田蕊妮與王宗堯的搭膊合照,並表示:「各位觀眾我正式宣佈,王宗堯由今日開始,成為本台第一個包薪合約藝人!感謝宗堯俾呢個機會我哋!祝你拍多啲好嘢,年年爆show,我哋台以後靠晒你喇!」阿澤更希望自己將來簽的人可以越來越多:「到時睇吓邊個夠膽話香港人養唔起香港人!」

剛泊到碼頭的王宗堯也有在facebook轉發老闆的post,然後更留言稱:「不得不心存感激自己仲可以以一個香港人身份為傲。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner