周文健出山拍戲向後輩偷師 蘇玉華首嘗資深大律師滋味

更新時間 (HKT): 2020.12.25 21:54

林海峰、周文健與蘇玉華等人聯同舞台劇界資深演員楊偉倫、麥沛東等合作拍新戲《正義迴廊》,故事改編2013年轟動全港的逆子弒親案,楊偉倫演主角殺父母。

林海峰與楊偉倫惺惺相惜,互相讚對方演技,林海峰指見到多位舞台劇出色演員拍攝,自己投入欣賞,更笑言要集郵,希望將來跟楊偉倫合作。楊偉倫今次拍重要角色,事前有向樂隊隊友白只取意見,他笑言最初感驚訝會找自己演出:「最初會覺得似(犯案者)咩?但之後有時望自己都覺得似。」

林海峰已有數年沒拍電影,但他笑謂今次片酬太高,立即應承接拍:「我一部接一部戲㗎,好忙,不過上套戲係3、4年前。」對於細佬林曉峰在《全民造星III》的評判意見被質疑,林海峰說:「我唔開心啲囉,見留言嗌林狗收聲,但有日出街有人同我講有睇我喺ViuTV做,之後又好開心,大喜大跌。」

而懷有5個月身孕的莊韻澄,她表示陀BB很輕鬆,直至最近開始感覺到BB在肚中郁動,她謂暫時不公開BB性別:「我胃口冇變,皮膚都冇變差,我預計明年4或5月,擇日開刀生。」但拍新戲時因忘記自己懷孕而沒錫身,要劇組多次提醒:「有幕要扮死我就咁撻落地,佢哋叫我唔好咁搏命。」

另外,因疫情影響,蘇玉華和周文健開工,感激劇組做足防疫措施,二人今次跟年輕團隊合作,大讚新一代電影人有創意和主見,周文健為電影界大前輩,他謙說:「我都喺佢哋身上偷師,學好多嘢,做大前輩都要學嘢。」他因疫情為免要隔離太久,所以暫時居於香港,跟舊朋友見面。蘇玉華戲中演資深大律師,她首次演這類角色,事前做很多資料搜集,覺得這角色太有魅力一定接拍:「相信會係我演藝生涯中最鍾意同珍惜演出嘅機會。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner