【花絮】開騷前聚半百人

更新時間 (HKT): 2020.12.27 02:00

《全民造星III》昨晚決賽不設觀眾席,只准許工作人員及傳媒進場,而且防疫工夫做到足,門外設有探熱機及健康申報區,工作人員和嘉賓到場都要填表申報健康及探熱才可入場。不過,開騷前聚集近半百人,不少人不守限聚令,四、五人圍埋一堆(圖)。

許廷鏗當TVB冇到

參加無綫《超級巨聲》出身、也曾擔任《造星III》導師的許廷鏗,昨日在facebook出post,大讚參賽者比當年的自己成熟很多外,更為他們加油打氣。許廷鏗更hashtag「#一齊睇 #我都變全民造星粉絲」,完全當無綫冇到!

麥兆輝哮喘缺席

《無間道》導演麥兆輝原本為昨晚做評判,突然宣佈有事缺席,他向《蘋果》表示哮喘發作要入院:「因為哮喘發作,忽然唞唔到氣,今晚要留醫,去唔到真係唔好意思,呢幾日哮喘有發作,但冇今日咁厲害,經治療後情況穩定下來,多謝大家關心!」

娛聞樂陪你走遍全球追星,即Like「娛果」FB 專頁!
BannerBanner