黃修平《狂舞派3》2.11賀歲檔上映 借Hip hop文化與港人互勉

更新時間 (HKT): 2020.12.29 22:10

黃修平執導、顏卓靈、蔡瀚億、楊樂文(Lokman)、劉敬雯(Lydia)、Heyo、劉皓嵐、阿弗演出的電影《狂舞派3》將於明年2月11日賀歲檔上映,電影公司今日發佈了海報,7位主角在鏟泥車前列陣並在工地中凝望,對應本集以Hip hop文化對抗地產霸權的主題。

對於今次海報意念,導演黃修平說:「海報理念其實喺電影2018年開拍前已有,係嚟自Hip hop文化嘅源頭:1970年代嘅紐約South Bronx,社區崩壞,市政府無能腐敗、黑幫當道,年輕人原本沒有希望,但以最草根、最土炮、最DIY嘅方法自創咗Hip hop文化,為大家帶嚟快樂、團結、和平與力量,其後影響力仲遍及全球。有好多記錄嗰個時代嘅照片,都會見到年輕人喺頹垣敗瓦嘅廢墟爛地入面,托住boombox或擺出Hip hop舞姿、手勢咁留影,《狂舞派3》嘅海報意念,以至電影嘅能量均源於此,希望同今日嘅大家共勉。」戲中的演員亦有在社交平台貼上海報,顏卓靈留言:「農曆新年見!」

電影《狂舞派》2013年上映時,曾一度被譽為「港產片新希望」,在電影對白中「為咗夢想,你可以去到幾盡?」成為街知巷聞的金句,今次《狂舞派3》將延續《狂舞派》的精神「去到盡」,黃修平導演為了擺脫一般續集的框架,讓續集《狂舞派2》展現在電影的平行空間裡,直接開拍《狂舞派3》。電影主題曲《歡迎嚟到呢座城市》上月已經在YouTube首播,在MV上不時出現「自由、正義、公平」等字眼,還有歌詞「係時候解封,捍衞自由,係時候發功,我哋為咗發夢,可以去到幾盡」、「舉起拳頭,我哋就話畀你哋知,我哋就係代表住呢一個城市」等,不少網民留言讚「貼題、到肉」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner