ViuTV自家製倒數節目圍爐派獎 七仙羽起舞助興

更新時間 (HKT): 2021.01.01 13:39
(電視截圖)

每年除夕夜,香港的倒數熱點都會舉辦倒數活動,但今年受疫情影響,政府推出的限聚令,令所有倒數活動取消,香港人只能留在家中迎接2021年。在家中欣賞倒數節目,作為觀眾當然有得揀,ViuTV昨晚播出自家製的《2020 ViuTV金Bear圍威喂派獎典禮》,雖然參與人數只得16人,包括強尼、陳俞希(Hailey)及駱振偉主持,還有組合ERROR、MIRROR成員李駿傑(Jeremy)和王智德(Alton)、沈殷怡(Shirley)、陳欣妍(Shirley)、顧定軒(Zeno)、張進翹(Manson)、魏浚笙(Jeffrey)、七仙羽師傅、Joey Tang(鄧建明),就算計埋ViuTV吉祥物「生啤」一共有17個,但勝在節目全程以廣東話播放。

《美女郊遊遊》被嘲為最伏節目

節目除了陪大家倒數之餘,亦順便表揚今晚出席的藝人,不過就講明由於是「圍威喂派獎」,得獎標準既不客觀亦沒有根據,純粹輕鬆搞笑居多,一開始梁業(肥仔)獲頒「黃金比例大獎」,組合ERROR再獻唱《我們很帥》打頭陣。沈殷怡(Shirley)和陳欣妍(Shirley)主持的《美女郊遊遊》奪得「最伏節目大獎」,強尼笑稱:「沈殷怡同陳欣妍喺《美女郊遊遊》嘅預告,憑住着泳衣行山吸引大量網民,但好可惜出街之後,着泳衣嘅比例係唔夠5%。」在《全民造星III》曾經以BL演出的顧定軒(Zeno)和張進翹(Manson)得到「最佳螢幕情侶大獎」,兩人更合唱《我們》,Manson表示:「好多謝二汶(林二汶)嘅idea,因為要將BL劇擺上電視真係好大嘅突破,好多挑戰。」

強尼希望2021老是常出現

作為ViuTV一姐的Hailey又點會冇獎,她憑住在《晚吹 - 空肚講宵夜》的食相勇奪「最佳食相藝人」;而曾經霸佔3個黃金時段節目的強尼亦獲得「老是常出現大獎」,他在台上說感言:「估唔到2021年嘅第一刻都係我出現,我希望2021都係繼續老是常出現。」肥仔、王智德(Alton)和李駿傑(Jeremy)齊齊憑《男排女將》得到「最佳後備獎」,Jeremy透露如疫情受控,MIRROR有望今年5月開演唱會,Alton亦表示與Tiger有個全新綜藝節目。魏浚笙(Jeffrey)就獲頒「ViuTV最想據為己有藝人」。

七仙羽師傅反問係咪豬肉獎﹖

曾有份主持靈探真人騷《鬼同你上位》的七仙羽師傅獲得「我最喜愛人物」,點知七仙羽師傅以古裝扮相出場,更大跳中國舞,可算是整晚最精彩的演出,經常有金句的七師傅在得獎後認真地問:「我好擔心呢個係咪豬肉獎﹖因為我食齋㗎!」輪到最後一個獎「ViuTV星期日晚上9:30-10:30曝光率最高男藝人」,有份主持該時段播出《Chill Club》的駱振偉一副信心十足的樣子,點知原來是頒給Joey Tang(鄧建明),最後他和駱振偉合唱《紅色跑車》結束節目。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner