YouTuber阿Sa爆張振朗見高拜見低踩 龔嘉欣為事業棄愛情

更新時間 (HKT): 2021.01.12 11:49

前國泰空姐阿Sa早年開「Smart Travel」YouTube頻道,去年在直播爆航空界秘聞,講起最討厭明星乘客大受歡迎。昨日YouTuber阿Sa又開咪,講起張振朗及龔嘉欣。

張振朗近年被TVB力捧上位,去年拎飛躍進步男藝員,今年再奪「最受歡迎電視男角色」,他在台上眼濕濕講得獎感言,講到「我家人教導我一定要識尊重別人,別人先識尊重你」。

阿Sa坦言本身對張生沒太大好感,大爆有一位朋友經常到片場做臨時演員過下戲癮,幾年前阿Sa就問該朋友覺得邊個演員特別乞人憎,該名臨時演員思考片刻,就指是張生,稱他扮「大哥」見高拜見低踩,反而黎耀祥拎視帝時,連隔籬廠清潔工都特登過去祝賀,阿Sa笑言:「張生真係要學吓嘢,做到公司上上下下都尊重,一視同仁。」

此外,阿Sa在航空界閱人無數,她讚龔嘉欣當日得獎感言好過「哨牙妹」好多。又稱聽過馬來西亞一名空姐朋友講龔嘉欣為事業放棄愛情,指那位朋友認識當地豪門阿姨,龔嘉欣曾有一個有米大馬男友,本身好錫她,阿Sa說:「不過龔嘉欣有少奶奶唔做,放棄呢份愛情,聽大馬朋友講啲人已經收到晒佢哋嘅婚訊,原本真係可以嫁入豪門,卻對自己演員職業好執着。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner