J.Arie布志綸撐音樂人伍仲衡開騷 親自排隊爭買飛

更新時間 (HKT): 2021.01.13 13:15

音樂人伍仲衡無懼疫情企硬於今年3月27至28日在麥花臣開騷,邀請群星擔任嘉賓,門票今早10點在旺角麥花臣場館開售。

昨晚凌晨吸引不少fans寒冬下通宵排隊等候,伍仲衡得知此事即半夜飛奔送暖,他說:「咁凍好惡頂,好感動,出嚟買熱維他奶佢哋飲。」布志綸(Alan)是嘉賓之一,昨日親自排隊買飛,連同J.Arie齊齊撐場。

伍仲衡憶起去年開始與Alan及眾藝人在facebook開直播吸引觀眾,令他決心在今次開騷,原定1月舉辦演唱會因疫情延期至3月,伍仲衡對開騷抱樂觀心態,雖然主辦單位有Plan B,但希望用唔着,J.Arie提議若有阻礙可轉為網上點唱。

3人今日踏上場館踩場,因受疫情限制,演唱會每場只能招待750觀眾,伍仲衡笑說:「我自己都要排隊買飛,冇內部認購。」大家均希望疫情快過。Alan以玩樂的心態參加演出,始終疫情下已很久沒演出:「有時會口痕想jam歌,同夾band一樣。」他和伍仲衡打賭鬥快買第一張門票,輸者請食餐,Alan自稱贏家,當他得知伍仲衡凌晨已到現場時,Alan笑言:「佢又茅咗少少喎,梗係計今日啦。」對於能否成功開騷,Alan以平常心看待:「習慣咗聽天由命,做得幾多得幾多,做唔到都冇法,享受咗先。」凌晨排隊買票的頭兩名fans曾先生和鄭小姐成功購入27號開騷22張貴飛,在場開心展示,稍後會再排隊買28號的飛,由於近1年沒入場睇騷,冒寒排隊也是值得。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner