狗仔出更丨周啟生一家三口隔住膠板開餐轟政府揸兜 霸氣染藍鬚:藍色只配做我條毛

更新時間 (HKT): 2021.01.14 00:30

武漢肺炎疫情未平息,市民出外用膳仍受制於限聚令,音樂人周啟生日前跟妻女到西貢開餐,一家三口要隔着膠板食飯。

當日下午約2時,《蘋果》記者在西貢碼頭旁的海鮮餐館,見到周啟生一家三口坐在露天位置開餐,周啟生將鬍鬚染成藍色,十分搶眼。因為限聚令關係,一家三口要用膠板隔開,周啟生跟女兒對着而坐,太太獨個兒坐在女兒旁邊的枱子,由於餸菜各放兩張枱,身為廿四孝老竇的周啟生,為照顧女兒食飯,不時企起身行過一步夾餸,雖然有膠板阻隔,但一家三口邊食邊傾,十分溫馨。

現年59歲的周啟生結過三次婚,第一任妻子為無綫前電視藝員盧影瑂,生下大仔周欣樂;第二任妻子是落選港姐梁晶瑩,兩人育有兒子周爵;現任太太是大提琴手司徒靄杰,兩人的女兒周晴(JoJo)現年9歲。去年的反送中運動,周啟生是少數肯發聲的藝人,曾在社交網上載父女合照,留言:「JoJo說:爸爸,我真的很喜歡這裏,我愛香港,但是為甚麼它會成為一個戰區呢?」

肯講人話的周啟生,為甚麽將鬍鬚染藍呢?他在電話回覆《蘋果》,霸氣說:「原因呢,藍色呢,最多做我條毛咋,我態度就係咁。」對於港府的防疫措施,周啟生狠批:「梗係慘啦,一家人三個出街都要分開行,隨時俾人拉食飯,老竇老母同個女都要隔住塊板,呢個咁嘅政府,揸兜!」

周啟生曾在訪問中透露,自己不要做廢老,不屑藝人為賺人民幣而折腰,原來當日他一早睇穿周柏豪的「藍神」靈魂,「我希望梅姐未死,梅姐未死佢會幫。冇啦!講唔到啦!死咗啦!其他嗰班人,你望吓,全部老嘅嫩嘅,由許冠傑去到周柏豪,冇一個人講過一句嘢!代表乜呀?我覺得佢哋多數都係畏忌返內地撈嘢個關係囉!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner