夏雨悼琴姐盼一路走好

更新時間 (HKT): 2021.01.15 02:00
■夏雨拍片懷念與琴姐合作點滴。互聯網圖片

無綫近日在深夜重播《溏心風暴之家好月圓》,悼念上周一逝世、有份演出此劇的李香琴(琴姐)。於劇中飾演「Jo飽」的夏雨重溫舊劇,連日來在社交平台拍片分享感受︰「好多場面、人事變動都令人好感慨。話晒都已經超過十年,琴姐『唔使驚,嫲嫲喺大廳』呢句台詞已經成為絕響,好多演員亦慢慢淡出幕前工作。黎耀祥由當時仲係寂寂無聞,𠵱家已經係三屆視帝,好多嘢引起好多回憶。」

夏雨昨日再拍片,對琴姐離世表達傷感︰「佢係好值得人懷念嘅演員,我哋相識幾十年,由《歡樂今宵》合作到𠵱家,唉……終於都離開咗。佢係好好嘅前輩,佢人和善,乜都唔會推搪,敬業樂業、有演員道德,值得我哋學習,琴姐一路走好。」

娛聞樂陪你走遍全球追星,即Like「娛果」FB 專頁!
BannerBanner