TVB高層曾勵珍開香檳中頭獎 劉丹成為民選「大叔部長」不抗拒演BL

更新時間 (HKT): 2021.01.15 17:37

劉丹、滕麗名及袁文傑等今日出席活動,眾人在開香檳時竟然發生小插曲,酒塞疑打中TVB高層曾勵珍頭部,中頭獎!之後身邊的員工陸續開香檳,曾勵珍表情顯得相當驚慌。

滕麗名受訪時指今個月生日因疫情不能外遊,老公一向錫到佢燶,每年滕麗名生日,他們都離港慶祝,今年老公笑笑口話可以安穩在家中渡過,知道愛妻最重視切蛋糕,所以每一年都為滕麗名買一個好靚的蛋糕。

早前ViuTV買2018年爆紅的BL日劇《大叔的愛》版權,打算翻拍成港版《大叔的愛》,部長黑澤武藏由黃德斌主演,主角春田創一及牧凌太這對CP就由Mirror成員Edan和Anson Lo演出,不少網民認為劉丹才是「大叔部長」最佳人選。

問到會否接受BL主題,劉丹並不太抗拒:「唔可以只睇主題,要睇劇情寫啲咩,如果太過份,好似我哋呢啲年紀就唔適合演呢類劇。如果係搞笑劇情都可以,唔係唔想演,總之唔可以演一啲過唔到自己嗰關,我哋做演員無論演咩戲,如果劇情適合自己演一演亦無妨。」

提到近期經濟不景,有些電視台藝人收入受影響,劉丹:「冇疫情嗰陣,好多年前我個仔已經勸我退休,話我年紀大,但係我唔肯,因為我鍾意演戲,如果退休就唔知做啲咩,這次就算面對疫情,對我家庭嚟講,影響唔係好大。」

劉丹又指兒子劉愷就快完成上海舞台劇返港:「今個月廿幾號?應該差唔多,返嚟好好休息,呢幾個月佢都真係好攰,連續唔停咁演,但係佢做得好開心,難得香港演員有呢個機會,我覺得唔容易。」

此外,劉丹前新抱楊冪亦得到父親嘉許,父親楊曉林在微博炫耀愛女擔任多項業內多項職務,稱女兒在22年前曾做隊長及美術課代表,未想到多年過去,愛女又再當選幹部,他感到非常光榮,希望楊冪在行業又紅又專業。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner