Sa姨羅詠怡放棄《後生仔》想做諧星 被嘲細眼哨牙兼發明星夢眼濕濕

更新時間 (HKT): 2021.01.18 06:00

現年27歲的羅詠怡(Kosa),花名叫Sa姨,是浸大視覺藝術系的畢業生,做過ViuTV節目《Girls’ Talk—豁出去漫遊》,又在無綫節目《#後生仔傾吓偈》公開自己拍過10次拖,而成為網上熱話。「啲人話我係情場老手,戀愛經驗十足,其實中學已經拍過9次,秒速轉,因為當時好鍾意social,參加合唱團、劇社等不同學會,識好多年紀大啲嘅師兄師姐,介紹好多朋友畀我識⋯⋯其實讀大學都係得1次啫。」她直言現在已經「定性」,跟做生意的圈外男友拍拖兩年,感情穩定。

眼前的Sa姨有點像台灣「0負評女神」林依晨,細細粒、笑容甜美,但要在娛樂圈「發圍」談何容易?原來Sa姨初出道時曾被網民狠批「醜樣」,就連親哥哥都不留情面說她「發明星夢」,令她一度心灰意冷。她說:「遇上好多haters,最難聽係當年一班《後生仔》去台慶,出道一年就有得參加,原來好多前輩做三五年都冇份。以為自己好靚,將相post上網,點知俾網民鬧爆『你憑咩?』,好多人攻擊我個樣,話細眼、哨牙,成個post都係鬧我,我都開始懷疑自己。」雖然傷心,但Sa姨的意志並未被打沉,反而檢討自己的不足,笑着說:「我要做幕前,樣唔靚都影響觀眾對我嘅印象,所以就開始箍牙,又認真地去學習化妝技巧,呢一年多,已經多咗人讚我靚咗,多謝多謝!」

哥哥痛斥:發明星夢

但面對家人的不理解,Sa姨仍是有點難受,眼濕濕重提往事:「我唔係有錢女,其實都要養家,好彩做機電局嘅哥哥幫到手,多謝哥哥。其實哥哥當初都唔理解我點解要做呢行,由細到大我哋性格好唔同,試過嗌大交,佢鬧我『唔知你喺度做乜,喺度發明星夢』!但一、兩年過去,哥哥慢慢開始見到我做到少少成績,街上有人認識,朋友又知,又開到餐廳,佢都知妹妹有努力。」

Sa姨在去年8月約滿無綫後不續約,原因是「自由意志是很重要」。近年她兼做YouTuber,又不斷創業,與朋友合資開party room、寄賣店生意外,還在疫情期間與樂隊KOLOR成員Robin及其他友人經營樓上餐廳,自言有信心回本:「因為租金有下調,而家大家又冇得去旅行,本地消費飲食其實多咗,開業兩個月左右,都做到收支平衡。」做女強人之餘,Sa姨盼新一年可以去其他電視台發展,「我冇偶像包袱,做諧星、丑角都OK架,我最有興趣做綜藝節目主持。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner