阿感揭舊愛陳自瑤「黑面是常態」 網民鬧爆消費前女友:好肉酸

更新時間 (HKT): 2021.01.19 17:54

在日前舉行的《萬千星輝頒獎典禮2020》中,王浩信獲視帝時講感言鳴謝老婆陳自瑤(Yoyo),卻換來女方一個木無表情一幕成全城熱話,Yoyo的樣子更被網民cap圖配對白,成為新一代「萬能key」!雖然至今無人能為Yoyo的表情和反應解畫,但曾與Yoyo拍拖的黎國輝(阿感),就以前度男朋友身份,與拍檔梁梓禧(Roland)在YouTube頻道拍片分析。

舊愛證經常黑面

阿感表示,自己與Yoyo相識20年,曾拍拖7年,他指這個萬能key樣是「always都會見到」,阿感解釋指:「因為佢係處女座,其實佢always都黑面㗎啦!」而曾與Yoyo合作過主持電台節目的Roland指自己與處女座的Yoyo溝通不來。

Roland叫阿感以前度男朋友身份分析Yoyo當晚表現的理由,阿感說:「如果你問我做錯啲乜嘢會令到佢咁嘅樣呢?起碼……我諗鬧佢屋企人都唔得,即係要鬧到好大,去到關乎佢個人利益,因為佢係處女座嘅關係,佢好要安全感,即係你令佢完全失去信心同安全感,即係對你完全失望呢,就會咁嘅樣。」

故意黑面製造話題

而Roland明言相信Yoyo與王浩信感情有問題,他稱用前輩身份分析指,因為他覺得Yoyo的事業心仍很重,又暗示如果她跟王浩信萬一真的離婚,將來收到贍養費也好,也要靠自己養家,所以當她知道王浩信得獎,明知鏡頭一定會拍到自己,所以故意做出這個表情,目的是為引起城中熱話,炒起自己的人氣。而阿感表示同意:「如果你話發生喺Yoyo身上,我覺得係有可能嘅,因為佢嘅事業心係非常之強!」

另一方面,阿感認為王浩信不應該在台上點名多謝老婆:「如果我係一個男士,我唔會博囉!因為佢哋感情有問題係前幾年已經有,你諗吓個關係已經去到咁僵,你喺台上面一多謝佢,全宇宙都會將件事無限放大!而家佢特別mention咗呢件事,當focus喺陳小姐(Yoyo)身上,我就喺度諗會唔會個男士真係做咗件莫大嘅錯事……」

網民鬧爆抽水

雖然阿感以舊愛身份「分析」,有點局中人味道,Roland亦以前輩身份來「調味」,但卻遭網民鬧爆2人行為,認為他們只是乘機抽水,有人直指阿感:「唔出名唔紅都唔緊要,但咁樣抽前女友水,講衰人哋壞話,只係畀觀眾見到你2位好人有限」、「其實咁嘅行為真係好cheap,分咗手咁耐仲要消費前女友」、「消費條ex刷存在感,好肉酸!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner