翟威廉清酒舖陷嚴重疫區如死城 胞兄Wilson照開舖苦守:為交租搵食冇辦法

更新時間 (HKT): 2021.01.20 19:07

翟威廉與哥哥Wilson半年前花50萬投資清酒批發店,開業地址位於油麻地佐敦一帶,正正在近日武肺第四波爆發疫區一街之隔,整個社區都人心惶惶。

《蘋果》今日到場直擊翟威廉舖頭情況,眼見門外對面馬路圍起封鎖線,整條街設了街站為巿民檢測,街道上除了醫護人員及前來檢測的巿民外,儼如死城般冷清,面對嚴峻疫情難免恐慌。

兩兄弟為保生意暫沒考慮停業,冒險開門做生意,並於上周日進行檢測求安心。Wilson直言處於災區生意慘淡:「一定有影響,啲居民都少嚟買嘢,會驚。」但為了交租搵食,沒辦法之下仍要開業。整個區域誠惶誠恐,連日多人確診,Wilson無奈:「惟有做足安全措施。」

開業後未回本又因疫情雪上加霜,Wilson說:「之前有做餐廳批發,但而家餐廳晚上停業,幸好有做網上生意幫補,若果唔係就生意淡薄好難捱。」兩兄弟會各自搵食幫補店舖:「威廉會去拍嘢,我就有教調酒,但而家都好難,希望疫情快過。」

翟威廉之前接受《壹週刊》訪問,亦表示沒考慮過關掉門巿:「要keep住入貨,睇住個倉,保持清酒新鮮。」毗鄰就是疫區,他表示:「冇辦法,總之防疫嘅嘢就keep住做,會繼續努力。」對生意大受影響表示無奈:「啲人唔多行街,嚟呢邊都係為檢疫,而唔係諗住買嘢,幸好有做批發同網上生意。」為節省開支現時沒有聘請全職員工,凡事兄弟親力親為,執貨、包裝等都一腳踢。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner