樓南光為當年爆粗鬧琴姐內疚失控狂喊 楊紹鴻藉特輯送別故友

更新時間 (HKT): 2021.01.23 16:02

資深藝人李香琴本月8日離世,享年88歲。琴姐女兒蕭紫筠將於後日(25日)在紅磡世界殯儀館為母親舉行喪禮,喪禮將以追思會形式進行,翌日大殮,並隨即出殯奉柩哥連臣角火葬場火化。

已移居泰國的資深製作人楊紹鴻,跟琴姐合作多年,二人份屬好友,但因為疫情關係,楊紹鴻未能返港送別琴姐,所以他於泰國錄製了《永遠懷念李香琴》悼念節目,於後日早上在YouTube等頻道播出,向琴姐作最後致敬。

楊紹鴻今日向《蘋果》表示:「其實我入行第2個劇《奮鬥》就識琴姐,一路合作咗幾十年,又幫佢做過個人演唱會,又一齊去過旅行,又去過美加登台,我亦都寫過歌畀佢,亦同佢及幾個藝人開演藝中心,佢係我一個好尊重嘅藝人,基本上佢都好take care我,雖然佢已經久病臥床好耐,但我哋都好唔捨得佢,因為疫情關係,我返唔到嚟送佢最後一程,所以幫佢做呢個特輯去紀念佢,希望啲朋友可以懷念到佢過去,或者一啲曾經合作過嘅好朋友,一起懷念呢個殿堂級嘅藝人。」

琴姐悼念特輯中,黃淑儀、夏雨、石修、米雪、黑妹李麗霞、劉錫賢和樓南光等都有分享跟琴姐點滴,而樓南光與黑妹談及琴姐時,更忍不住爆喊,原來樓南光難忘當日在琴姐面前爆粗,雙方鬧得極不愉快,樓南光為此後悔不已,而他錄影時更因為太激動,要重新再錄。

而先後效力無綫和亞視的藝人羅清浩,將與楊紹鴻一起擔任悼念特輯主持,楊紹鴻說:「佢都住喺泰國,而家半退休狀態。」

----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner