爆相爆片丨連詩雅遭投訴經常霸訪客車位 辯稱噚晚座駕冇油貪方便求其泊

更新時間 (HKT): 2021.01.23 21:25

連詩雅(Shiga)與媽咪同住於啟德一號,今日有讀者透過「爆相爆片」向《蘋果》踢爆連詩雅霸用屋苑住客訪客車位,住客已多番向管理處投訴,而管理處雖多次跟進處理,但情況依然未有改善。《蘋果》連絡連詩雅,其經理人代回覆指連詩雅今晚出席仁濟活動時會回應事件。

《蘋果》讀者曾先生是啟德一號一期住客,他指出連詩雅三年來一直為求貪方便,棄自己專用車位不用,霸佔住客訪客車位,昨日前中午時發現她將其座駕泊在訪客車位,整整一天仍未將車駛離,即使管理處介入仍不合作拒絕將車駛走。曾先生表示:「三年前開始,每個星期都有一兩次,唔定,噚日中午泊到今日中午都未駛走。佢成日貪方便,因為訪客車位近lift口,不過佢個專用車位都係遠十幾個車位,大約50公尺唔係好遠,但訪客車位只有5、6個,佢佔用咗對其他有需要使用嘅訪客會造成不便。」

問到讀者如何肯定該車是連詩雅所用?曾先生說:「我見過佢揸,成個屋苑啲人都知,好多住客喺群組度鬧佢啦!」他表示管理處回覆住客的投訴,指多次聯絡不到連詩雅,有時聯絡上她而得到的回覆是「唔關我事,係助手泊。」從讀者提供的照片,連詩雅的車確是泊於訪客車位,而擋風玻璃上貼了張管理處的告示。曾先生斥責:「投訴過好多次,佢(連)都係咁,管理處話會當佢泊時租車位收番佢錢,不過佢(連)係用專用車位證入閘,唔係用八達通卡(訪客用)入閘。」

連詩雅晚上出席仁濟活動時,被問到遭屋苑住客投訴霸佔訪客車位,她說:「噚晚架車差唔多冇油,掉底架車後衝咗返屋企做其他嘢,唔記得打去管理處講番聲,拍咗喺時租應該要畀番時租費用,我真係大頭蝦唔記得處理。」而連詩雅又謂早上已將事情處理好,對於此事令到一位住客不便,她亦想跟對方講聲「唔好意思!」對於被指3年間經常佔用該車位,連詩雅就表示只是發生過幾次。並謂以後會小心點,以免再發生同樣的事情。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner