TVB前監製Jacky插《勁歌頒獎禮》真係X 效力11年黃得生自爆離巢人工停留8 千

更新時間 (HKT): 2021.01.28 23:30
無綫前監製Jacky插勁歌頒獎禮真係X 工作11年黃得生自爆離巢人工停留8千

大台這兩年處理社會運動的新聞,被指報道偏頗,事事旦旦,但亦懶理市民罷看和客戶抵制,繼續做「紅媒」,當然也不容員工為公義發聲表態。王宗堯今集《王探黃》就邀請了三名已離巢無綫的台前幕後傾偈,有「𡃁妹」李綺雯、黃得生和監製李志倫(Jacky),他們背後都有自己的小故事,並異口同聲表示對離開並不言悔。

節目重溫:果燃台

蘋果動新聞YouTube Channel

離開大台又撞正疫情,娛圈中人的工作機會大減,苦不堪言。𡃁妹2006年由亞視過檔無綫,做足14年,因為政見問題,2019年10月開始被大台雪藏超過半年,去年5月約滿正式離開。「合約完,冇人搵我續約,咁咪完,一開始走,驚㗎,唔係一開始走好徬徨,係開始冇嘢做時已經諗定應該要點,中間有半年冇嘢做。」離開大台,𡃁妹有掙脫枷鎖感覺,可做回自己,暢所欲言,她表示之前擔心自己的黃色言論會拖累所參演的電視劇不能在內地播出,拖累同劇演員:「而家冇咗嗰方面嘅擔心。」𡃁妹堅持食老本都不跪低:「諗定條路應該係點,搵工囉,咁拍到嘢梗係好啦,拍唔到嘢咪做其他,做marketing或者做PR。」再見大台,𡃁妹說:「冇乜特別嘢想講,覺得好似分手咁囉,分手要灑脫,分咗就唔好講!」

批大台節目每況愈下

Jacky於2019年公然在大台辦公室發聲,他在個人FB上載一張用五張memo紙寫有「黑白是良知」和倒貼白紙黑字「生人勿近」相片,事後遭炒魷。Jacky都留意到大台近年節目每況愈下,他爆粗狠插大台節目,「啲節目越嚟越X,嘩,個頒獎禮真係XX到呢!嗰日最受歡迎男歌手,同埋嗰隻金曲,我都噏唔出個名㖭。唱隻歌就攞金曲,係咪真係去到咁呢?有冇行出去聽吓方皓玟、RubberBand呀?」大台近日為救亡都找曾志偉和王祖藍回巢。

Jacky留意到潮流不再看公仔箱,他出資搞網台SoapTV,希望盡量幫一班沒工開的幕後手足,同時也栽培有熱誠新人:「我付出嘅嘢咪就係腦筋呀,我班後生仔出嘅糧,一定唔係疫情前個價。」他樂於扶持新血:「你估唔到原來幾個後生仔,會令到我更加開心,所以離開大台,我更加開心係唔使做啲自己未必係好想做嘅嘢,大台或者唔使做啲而家出街俾人笑嘅嘢囉!」

兼職賣消毒產品

黃得生2008年報考第23期藝員訓練班入行,2019年為社運發聲,並上載以手遮右眼照片聲援疑遭警方射爆眼的少女,於去年5月不獲大台續約離開。11年半星途,黃得生叫觀眾印象最深,要算是劇集《點解阿Sir係阿Sir》,他獲派演一名壞學生。王宗堯和黃得生同是「波牛」,球場上交心。見到波友黃得生成大台棄將,失業時撞正疫情,他有意投考保險或地產牌轉行作長遠發展,不過為了迫切維生,這段時間就先做兼職sales賣消毒產品。「我離開TVB之後,亦因為疫症關係變得好迷惘,但離開TVB有樣好,比較上可以做番自己想做嘅嘢先。」王宗堯都留意到黃得生多年來都被投閒置散,加上近年太多選美比賽,衍生出不少新面孔,他們可以跳門檻直入訓練班。黃得生認同後浪推前浪,他自爆離巢前人工好奀:「邊有咁多嘢畀你做吖,爆鬼爆馬咩,我咪又係出8千蚊,都係做緊訓班做嘅嘢。」

場地提供:Lagom Kaffe

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner