李思雅遭動物醫院要求賠償兼公開道歉:我講事實唔係屈佢

更新時間 (HKT): 2021.02.01 15:59

前港姐李思雅日前在社交網上載愛犬相,指帶愛犬睇牙時,獸醫指狗狗腎有事,麻醉洗牙時稱要剝17隻牙,要她即時做決定,李思雅指自己惟有相信醫生,怎知狗狗剝牙後失明,李思雅點名批評涉事動物醫院兼自責,並呼籲各寵物主人要小心選擇醫院。今日博愛動物醫院有限公司發聲明,對李思雅的指控表示震驚和憤怒,要求她公開道歉兼賠償損失,否則訴諸法律行動。

並指有確實證據和紀錄,可指出李思雅所發放的言論和資料並不正確,更非事實的全部,「本醫院現強烈要求李思雅小姐立即停止和撤回在報刊雜誌,社交媒體發放針對本醫院的一切不合乎事實的資料和指控,並須為此公開向本醫院作出道歉。否則本醫院將會毫不猶豫訴諸法律行動,要求李思雅小姐彌償本醫院的一切損失,本醫院不排除會向法院申請禁制令,以保障本醫院的權益。

李思雅今日接受傳媒訪問,她說:「其實佢哋有我WhatsApp,因為之前同佢哋聯繫係用WhatsApp嘅,但佢哋(事後)冇再同我聯絡過。我喺社交網講出嚟嘅嘢全部都係事實,如果佢有啲咩證據或記錄,我都想大家出嚟傾、大家出嚟對質,我唔係屈佢,我真係只講番成件事發生嘅經過。之前《東張西望》都同我聯絡,話想可以跟進我呢個case,不斷聯絡間診所,但佢哋都係不斷cut線,唔肯對質。」

她堅持自己在社交網所屬的全部是事實,續謂:「我唔識法律嘅嘢,唔知發生咩事,我只係將事實講出嚟,我亦唔敢100%話剝完17隻牙,狗狗就盲咗,我亦冇咁講,我只係話佢做手術前一、兩日都係行到,跑嚟跑去,身體完全冇問題,有視力,真係做完手術後盲咁,我冇亂講,真係咁啱做完手術就盲咗!我都要問吓啲法律意見,我講事實係咪都要負上法律責任,因為我都唔係好識。」《蘋果》今日聯絡涉事動物診所,診所負責人表示,事件已交律師處理,暫時沒有其他回應。她又說:「要講嘅都喺聲明寫咗,所以現階段都唔方便講咁多,只係唔明白,一個自稱愛狗嘅人,點解可以養到隻狗咁樣,相信真相好快會見到。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner