朱慧敏同老公有共識唔戴婚戒 情人節捱義氣陪王賢誌慶祝

更新時間 (HKT): 2021.02.04 18:26

2004年港姐亞軍朱慧敏(Queenie)上月與養和醫院心臟科專科醫生陳良貴(Jason)結婚,新婚的Queenie今日聯同王賢誌、唐安麒、林子博、陳嘉容及嚴淑明去到粉嶺派福袋予長者。

今日未有戴上結婚戒指的朱慧敏解釋,與老公有共識,兩夫婦都不會戴結婚戒指出外工作,Queenie說:「老公經常要洗手戴手套,所以都唔方便,貴重戒指都放喺屋企。」朱慧敏最近與Jason開設頻道暢談身心健康及心靈資訊,Queenie表示自己擁有臨床催眠師資格,過往協助過抑鬱病人康復,她在節目中亦會有相關分享,對於Jason在分享節目中口齒伶俐,Queenie說︰「佢好歡迎同大家分享,佢過往做好多醫學訪問,希望分享到有用嘅資訊畀大家,一條片點擊都有20多萬瀏覽。」Queenie透露,結婚到現在她還未以老公稱呼Jason,她笑言:「喺屋企都係叫bb,冇叫佢老公。」王賢誌催促朱慧敏早生貴子,並要求做契爺,Queenie說:「我哋計劃一、兩年之後生,想生多幾個。」

王賢誌的另一半Kevin正身處澳門,二人分隔兩地,未能一齊過農曆年,王賢誌說:「因為佢要返澳門同屋企人過年,但澳門要隔離21日,我喺香港都要陪自己屋企人,所以大家分開過年,之前已經預先慶祝情人節 。」Queenie表示過往自己單身時,王賢誌都會陪她度過所有節日,所以今年情人節Queenie也會陪王賢誌一齊慶祝。

從事美容行業的唐安麒,旗下美容生意因疫情被迫停業數月,她的員工亦因而沒有收入,她說:「自己經營咗呢行33年,都知道點樣可以慳錢,而家有8、9間舖,每個月都要交幾百萬租金。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner