譚杏藍自揭遇地鐵色狼「碰撞屁股」留不明液體 呼籲姊妹勿啞忍

更新時間 (HKT): 2021.02.05 18:05
譚杏藍在YouTube分享遭性侵經歷。

幾年前社交平台發起一輪「MeToo」運動,鼓勵女性向性騷擾說不,好多人受啟發分享自身的受害經歷。近日台灣女神「雞排妹」鄭家純指控為某公司尾牙工作時被性騷擾,事件哄動,再次引起女性身體自主的新一輪討論。

昨日香港歌手譚杏藍(小花)在YouTube上載片段,鼓勵各位姊妹遇到性侵不要忍氣吞聲,又分享自己讀書時的各種性侵恐怖經歷,多宗事件連媽媽都未曾聽聞,只有男朋友及少數非常熟的朋友才知道。

小花在片中透露最近在IG做樹窿傾聽心事,發現其中有好多女性分享被性侵經歷,令她鼓起勇氣講一些自己的遭遇。小花形容自己讀書時遇過非常多次性侵事件:「每個月都一定有一單。」無論在巴士、小巴,甚至是大街大巷都有遇過色狼,包括在巴士上層被偷拍胸部、在小巴被來回摸大髀,有試過在大街大巷遭迎面而來的男人揸我下體,幾次都嚇呆:「我反應唔到嚇到企喺度。」

小花又指讀書時曾有變態佬跟蹤,連續兩星期都跟到自己住處樓下,變態佬又以言語性騷擾,包括「今日咩色底褲」、「你嗰度係咪粉紅色」、「你有冇毛呀」。最恐怖一次是試過在過海地鐵車廂中被男人從後貼身「碰撞」,小花不敢出聲,只能移動身體避開,落車後小花手背上有不明液體:「嚇到我即係拎紙巾抹手,返到屋企又洗手又沖涼,都仲係覺得自己污糟,唔識形容。」

多次恐怖經歷影響她成長,小花說:「人大咗,原來去到而家一直都冇忘記過。喺我成長過程一直影響我,哪怕係我對伴侶、對男人、對某啲事會唔會驚,以致會唔會諗復仇。」她呼籲姊妹們要向身邊人分享,不要啞忍:「點解受害者要忍氣吞聲,而唔係大聲指摘嗰位,相反可能色狼侵犯完人會炫耀。」她希望透露今次分享,可以令更多人為自己發聲:「唔好再縱容加害者,唔可以再驚,同身邊人求助。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner