鄭敬基與沈旭暉談逆權覺醒之路 不甘屈記者自保返加拿大被罵「小漢奸」

更新時間 (HKT): 2021.02.05 16:36
鄭敬基接受沈旭輝訪問。

2019年逆權運動,一直敢於發聲的歌手鄭敬基(Joe),去年7月返回加拿大定居,雖然人不在港,但他心繫香港。日前他越洋接受沈旭暉訪問,並以「鄭敬基︰資深藝人覺醒之路」分兩集推出,節目中鄭敬基談到對記者表示贊同百萬人遊行後,被大陸玻璃心狙擊,有人叫他屈記者「作料」自保,他更在片中提起不獲TVB續約的感受,當時有人跟他說︰「繼續咁,你就冇啦!」

節目一開始,沈旭暉笑指自己聽對方歌曲長大,當然離不開經典歌《酒杯敲鋼琴》。談到鄭敬基從那時對社會意識的轉捩點,他坦言始於2014年雨傘運動,有一位認識多年的朋友經常到現場,鄭敬基說︰「可能我喺娛樂圈、歌壇浸得太耐,只退喺後面,對香港嘅政治好膚淺。轉捩點係點解自己見到咁多嘢會感動,見到咁多人坐响度,見到第一次開催淚彈時,個心好唔安樂,嗰晚有少少睇低自己,點解可以無動於衷,只掛住去登台唱歌,直到2019年。」

沈旭暉問鄭敬基有沒有想過會有這樣嚴重後果?鄭敬基坦言︰「我冇諗,覺得自己係好遲醒嘅人,當時令我反醒自己嘅人生價值,香港年輕一代付出有幾多,覺得自己起步好遲,只出吓post喺遊行出現。自己係歌手、演員,但唔覺得自己有特殊身份。」

不想屈記者

鄭敬基回想在2019年6月9日103萬人遊行前夕,他在一個活動上,見到一個影像,他輕鬆地說︰「為何一班藝人圍住一個人突然會彈開,見嗰個人眼神好落寞,對方其實係一位《蘋果》記者。」鄭敬基稱當時該名記者只是問「贊唔贊成香港人星期日去遊行」,鄭敬基形容自己跟這位記者經常在商台見面,年約40歲是位爸爸,鄭敬基表示只是一個簡單問題,鄭敬基憶述︰「我答『梗係贊成啦』,後來出咗新聞唔夠3個鐘,一位中港兩地走嘅朋友cap圖畀我,指我鼓吹『港獨』,佢話識人可以幫我搞掂,不過我有兩樣嘢唔可以做,第一6月9日唔好出現,第二就係叫我話記者亂寫,自己冇講過。我聽到好唔安落,即係要我屈嗰個記者。」

鄭敬基向朋友表示多謝其好意,從此對方再沒有聯絡。鄭敬基感謝那位朋友的關心,之前還幫他在大陸接洽十幾場大灣區登台騷,但他認為沒損失︰「我一啲都冇覺得蝕,好在我冇屈個記者。佢係一個好好嘅爸爸,正人君子,好好做緊佢嘅job,如果我話佢亂寫就屈咗佢。」

TVB不續約

及後輪到TVB向鄭敬基施壓,不想他在社交平台寫得太明顯,又指當時有大型娛樂公司已收到藝人黑名單,他說︰「我仲係排14,體驗到當時有班朋友,好似何韻詩、黎明、王喜、王宗堯、黃秋生同杜汶澤,原來佢哋被呢啲壓力壓住。」

之後他不獲TVB續約,談到TVB助理總經理(藝員管理及發展)樂易玲時,他指曾有同事好言相勸︰「樂小姐有一班好忠心嘅同事,好似服侍皇太后咁,真心幫手。當時有位同事話我返咗嚟會越來越好,好似邊個咁會有機會。」談到他在TVB最後一部劇集《牛下女高音》推出前,認識30年的監製找他,有點難以啟齒,他說︰「佢話個劇同國內合拍,你言論好激,驚個劇出唔到街,我當時諗原來靠專業為生嘅監製,要談埋政治、去游說,佢叫我唔好講,你明啦!」相對現在更變本加厲,如同要一些機構員工要宣誓。

工聯會活動

鄭敬基回想2019年5月時,是他最後一次在大陸演出,他指那次是工聯會到大陸一個活動,適逢母親節他獻唱Beyond歌曲《真的愛你》,他說︰「我一出嚟就話『支聯會』嘅朋友母親節快樂,台下有一半人靜咗。」他指這次黑色幽默的誤會,從此與大陸劃上句號。鄭敬基指以往經常到大陸工作時,經常有大陸人跟他說︰「如果冇咗我哋你就冇飯食啦,當時自己點頭,但覺得幾憎,原來呢個點頭同護旗手冇乜分別,覺得自己好低級,好唔開心。」

早前周柏豪、菊梓喬接受「藍屍」阿叻訪問,鄭敬基有一番看法,他說︰「我相信佢係身不由己。」鄭敬基認為原因是他們不願意減低生活享受、接受簡樸生活及失去機會。他續說︰「如果佢呢一生只鍾意唱歌、演戲,佢冇嘢識做,為咗香港發聲,從此只做uber eat?我都有問自己,全香港人犧牲好多,甚至生命、要入獄、唔可以返港,佢哋都有自己夢想。其實香港人好體諒人要搵食,偏偏有啲人唔承認自己才華,認自己係second class,點解將香港人價值矮化,拎走香港尊嚴呢!」

被罵小漢奸

訪問的下半部談及「加拿大香港台如何生存?」,鄭敬基坦言未返回加拿大前,兒子很擔心。回去後,因自己曾走得太前,在當地被人罵「小漢奸」,亦有同路人見到他開心表示︰「你返嚟就好,呢邊真係好藍。」他指有不少人忘記當年1997移民的原因,只不想打亂現狀。亦有一班移居美加的香港人,對近年香港為爭取民主,而演變成激烈情況有所喚醒,但不敢公開表態。曾在餐廳有人見到鄭敬基即細細聲說「好多謝你」,早年在加拿大生活的鄭敬基,曾在一些傳媒或電台工作過,談到當地傳媒生態如TVB般,故想做一個「香港台」讓大家有選擇,繼續了解香港情況。他希望不論在多倫多,或將來在英國、澳洲等地,都有一個屬於香港人的「香港台」,雖然起步不容易更遇到重重困難,但他已定於2月22日開台,讓香港的歷史告訴下一代,延續下去。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner