開直播被指少年八両金 
保錡爆粗鬧網民 沙律輕挑撥火

更新時間 (HKT): 2021.02.05 02:00

出道兩年的男子組合ERROR成員吳保錡,近日被爆戀上「性感女神」張沛樂(沙律)後,正印女友賴嘉賢(Carrie)現身聲言跟保錡從未分手。其後又有多名女子自爆曾被保錡約過上床兼拍下性愛影片,雖然保錡事後有發道歉聲明,惟有關聲明於10日後已在facebook和Instagram刪掉。「失蹤」了一陣子的保錡,近日不時在社交平台試水溫,大前晚在Ig開直播時,公然在網上爆粗鬧網民。

遭人辣㷫連橫開炮

在直播中,不忿被指「呃X條」的保錡,一輪嘴爆粗:「X你老X咩,呃X條,真係好X好笑,你老X,拍拖就係呃X條!」在旁的沙律嘲諷網民在幻想世界,還語帶輕挑地說:「咁呢個世界上阿爸阿媽都係呃X條。」保錡接着說:「阿爸阿媽梗係呃X條,唔係點會生到你出嚟呀!」

其後又有人問保錡:「公司有冇話過你?」保錡寸爆說:「X你老X,返學咩,你返學畀老師話就有可能,個個都講粗口啦,你聽唔到之嘛,你睇節目都見到我有講,嘟咗之嘛,唔通眼不見為淨咩!」保錡入行後一直被嘲是「少年八両金」,保錡似乎為此耿耿於懷,所以當有人留言「八両金?」保錡嬲爆狂爆粗:「X你老X,知唔知八両金乜X嘢樣?你同八両金一樣呀,有眼耳口鼻呀,X頭!」

態度差冇修養捱轟

接着有網民勸保錡要「尊重吓人」,保錡再度躁爆說:「你有冇尊重過我呀?X你老X,八両金,我都未話你唔X尊重我!」最後他扮失憶:「吓,呢個唔係我嚟喎,係保錡細佬嚟㗎!」臨走前見到有人讚「沙律好食」,保錡又忍不住說:「好唔好食都唔關你事,係人都會拍拖!」

直播完結後,有人留言:「根據佢本人嘅直播,佢公司對佢嘅行為係冇任何反應。」不明白ViuTV何解仍然不解僱保錡,還有人留言直斥他沒有修養:「睇完live片真係覺得黐線,到底有邊個藝人開live會X fans?」、「以前都會扮吓嘢,𠵱家畀人篤爆咗,原形畢露!」甚至有人說:「其實好多人憎你唔單單只係因為你偷食,你工作態度同個人嘅修養都好大問題。」

娛聞樂陪你走遍全球追星,即Like「娛果」FB 專頁!
BannerBanner